Taldyqorǵanda gaz qubyrlary qatyp jatyr

TALDYQORǴAN. QazAqparat - Taldyqorǵanda tabıǵı gaz qubyrlary birinen soń biri qatyp jatyr. Saldarynan halyq táýliktep jylýsyz, kógildir otynsyz otyr, dep habarlaıdy QazAqparat tilshisi.

Uqsas jańalyqtar

2020 jyly Qazaqstanda 109,2 mln tonna kómir óndirildi

Semeı qazandyqtary arnaıy tekserýden ótedi Atyraý oblysynyń ákimi energııa júıesin qatań baqylaýǵa alýdy tapsyrdy Aqtaýda elektr energııasy tolyqtaı qosyldy

Tipti turǵyndar sháýgimge sý qaınatyp, qubyrlardy ózdiginshe jylytyp álek.

Qazir Taldyqorǵanda kógildir otyn shyǵatyn jerden qatty qysymmen sý atqylap jatyr. Keminde 500 myń teńgege jýyq qarajat berip, gaz ornatqan turǵyndar endi ómirleri úshin úreılenip otyr.

«Kez kelgen ýaqytta qatyp qalady. Kún jylyda da, kún sýyqta da. Qaı ýaqytta qatyp qalatynyn óziń bilmeısiń. Shaqyrsań kelmeıdi. Zvondasań, «aǵa, ystyq sý quıyńyz» deıdi, sosyn ystyq sý quıasyń. Bir aı boldy qostyrtqanyma, al qystaı qansha qaqsap shyǵamyn, bir qudaı biledi», - dedi Taldyqorǵan qalasynyń turǵyny Aıtaqyn Bulǵaqov.

Al kógildir otyndy berip otyrǵan «QazTransGaz Aımaq» aktsıonerlik qoǵamynyń Jetisý óńdiristik fılıaly gazdardyń qatyp jatqanyn rastady.

Biraq bul kompanııa biz qubyrǵa emes, gazǵa ǵana jaýaptymyz deıdi. Al sońǵy qosylǵan abonımentter arasynda gaz qubyrdyń qatýy syndy shaǵymdar kóbeıdi dep otyr.

«400-ge deıin qońyraýlar túsedi. Kóbine Erkin jáne Ótenaı jaqtan. Merdigerlerdiń úıge qosqan qubyrlary óte nashar», - dedi QazTransGaz Aımaq aktsıonerlik qoǵamynyń Jetisý óndiristik fılıalynyń dırektory Ravıl Ismaılov.

Al Almaty oblystyq energetıka jáne turǵyn-úı kommýnaldyq sharýashylyǵy basqarmasy jiberilgen kemshilikterge qandaı merdiger jaýapty ekeni anyqtalyp, tıisti shara qoldanylatynyn aıtty.

«Naqty Taldyqorǵan qalasyn gazdandyrýǵa biz joba boıynsha 19,4 mlrd teńge qarajat jumsadyq. Memleketten, bıýdjetten. Іske qosý kesheninde 22 merdiger bar. 2016 jyldan beri birtalaı merdiger boldy, solardyń bárine daıyndap jatyrmyz. Tıisti sharalardy qoldanamyz», - dedi Almaty oblystyq Energetıka jáne turǵyn-úı kommýnaldyq sharýashylyǵy basqarmasy basshysynyń orynbasary Damır Dáýlethanuly.