Taldyqorǵanda gaz ballony jarylysynan kúıip qalǵan 4 adamnyń jaǵdaıy óte aýyr

TALDYQORǴAN. QazAqparat - Taldyqorǵan qalasyna qarasty Erkin aýylynda gaz ballony jarylyp, oqıǵadan zardap shekken tórt adamnyń jaǵdaıy óte aýyr. 14 jasar balanyń denesiniń 98% kúıip qalǵan, dep habarlaıdy QazAqparat tilshisi.

Uqsas jańalyqtar

Irak astanasynda eki jarylys bolyp, kem degende 23 adam mert boldy

Madrıdte jarylystan qaza tapqandar arasynda qazaqstandyqtar joq - SІM Madrıdte jarylystan qaza tapqandar arasynda qazaqstandyqtardyń bar-joǵyn anyqtap jatyrmyz - SІM Madrıdte alapat jarylys bolyp, 2 adam qaza tapty

«Taldyqorǵan qalalyq kópsalaly aýrýhananyń jansaqtaý bóliminde jatqan 4 naýqastyń jaǵdaıy óte aýyr. 2006 jylǵy balanyń denesi 98%, 1972 jyly týǵan turǵynnyń denesi 82%, 1973 jylǵy naýqastyki 50% jáne 70 jastaǵy turǵynnyń denesiniń 55 paıyzyn kúıik shalǵan», - dedi Almaty oblystyq densaýlyq saqtaý basqarmasy baspasóz qyzmetiniń hatshysy Láılim Aýbakırova.

Sondaı-aq resmı ókildiń málimetinshe, oblystyq balalar aýrýhanasyna 2010 jáne 2012 jyy týǵan naýqastar jetkizilgen. Olardyń beti, moıny, denesi kúıgen. Jaǵdaılary birqalypty.

Sonymen qatar, oblystyq aýrýhanada jatqan 1967 jáne 1969 jyly týǵan naýqastar da gaz ballonynyń jarylysynan zardap shekken. Olardyń jaǵdaıy aýyr.

Esterińizge sala keteıik, buǵan deıin Taldyqorǵanǵa qarasty Erkin aýylynda gaz ballon jarylyp, 8 adamnyń zardap shekkenin habarlaǵan bolatynbyz.