+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Taldyqorǵanda apattyq gaz qyzmetkerleriniń jalaqy almaǵanyna jarty jylǵa jýyqtady

2020 jylǵy 26 mamyr 00:10
Bólisińiz:
Taldyqorǵanda apattyq gaz qyzmetkerleriniń jalaqy almaǵanyna jarty jylǵa jýyqtady

TALDYQORǴAN.QazAqparat - Taldyqorǵanda apattyq gaz qyzmetindegi jumysshylar jarty jylǵa jýyq ýaqyttan beri aılyǵyn ala almaı otyr. Olar sońǵy ret mańdaı terimen tapqan eńbekaqysyn ótken jyldyń 27 jeltoqsanynda alǵan, dep habarlaıdy QazAqparat tilshisi.

«Men bul jerde slesar bolyp isteımin. Aılyǵym 60 myń teńge ǵana. Al kólik júrgizýshilerdiń jalaqysy - 70 myń. Bizdikinen 10 myń teńge ǵana artyq. Onsyz da az jalaqy alamyz, sonyń ózin bermeı jatyr. Al biz - bir-bir úıdiń asyraýshysymyz. Bala-shaǵamyz, nesıemiz bar. Jaǵdaıymyz kúnnen-kúnge qıyndap barady. Bir aı jalaqy almaǵannyń ózi qıyn. Al biz qańtar, aqpan, naýryz, sáýir, mamyr, endi mine maýsym aıy bastaldy. Jalaqymyzdy almadyq», - deıdi apattyq gaz qyzmetiniń jumysshysy Aıdyn Muqanov.

Al osy mekemede kontroller bolyp isteıtin Juldyz Qanatbaeva da jalaqy almaǵan soń qatty qınalyp jatqanyn aıtady.

«Meniń jalaqym - 38 myń teńge. Eki balam bar. Búgin onlaın ótken sońǵy qońyraýǵa da qatystyra almadym. Sebebi, uıaly telefondy ınternetke qosatyn aqshamyz joq. Balamnyń aldynda da, muǵalimniń aldynda da uıatty boldym. Tamaqtyń ózin qaryzǵa alyp, qınalyp jatyrmyz», - deıdi ol.


Al Taldyqorǵan qalalyq turǵyn úı-kommýnaldyq sharýashylyq bóliminiń basshysy Nurlan Shaıahmetov jalaqysyz otyrǵan mamandardyń jaǵdaıymen jaqsy tanys ekenin jetkizdi.

«Bul kisilerdiń, ıaǵnı 27 adamnyń aldyndaǵy jalaqy bereshegi 13 mln teńgege jetti. Memlekettik satyp alýǵa baılanysty jalaqy máselesinde qıyndyq bolyp jatyr», - deıdi Nurlan Shaıahmetov.

Ákimdik ókili de jalaqysyz otyrǵan mamandardyń máselesi qalaı sheshiletinin bilmeıdi. Sebebi, tenderdi basqa kompanııa jeńip alsa, onda Taldyqorǵan apattyq gaz qyzmetinde jaǵdaı tipten qıyndap, mamandar jumysynan aıyrylyp qalýy múmkin. Sebebi, memlekettik satyp alý konkýrsynda kim jeńetini belgisiz. Al Taldyqorǵan apattyq gaz qyzmetindegiler úzilissiz jumys istep kele jatqanyn aıtady.

«Endi memlekettik satyp alýda múmkindik berilmeıtin bolsa, onda Taldyqorǵan apattyq gaz qyzmetin jabýǵa týra keledi. Al jalaqy qaryzyn ótep berýge tyrysamyz», - dedi Nurlan Shaıahmetov.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT