+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Taldyqorǵanda 55 eko-avtobýs paıdalanýǵa berildi

2021 jylǵy 22 qyrkúıek 22:12
Bólisińiz:
Taldyqorǵanda 55 eko-avtobýs paıdalanýǵa berildi

TALDYQORǴAN. QazAqparat - Taldyqorǵanda jańa eko-avtobýstar paıdalanýǵa berildi, - dep habarlaıdy QazAqparat tilshisi.

Búgin Qazaqstan Táýelsizdiginiń 30 jyldyǵyna oraı, oblys ortalyǵynyń Taldyqorǵanǵa qonys aýdarýynyń 20 jyldyǵy aıasynda aıtýly shara ótti. Kólik qoljetimdiligin arttyrý maqsatynda qalada avtobýs parki jańartyldy.

«Jetisý» ÁKK arqyly jalpy somasy 2,3 mlrd.teńgeden asatyn gazben júretin 55 ekologııalyq avtobýs satyp alynady. Olar tasymaldaýshylarǵa 7 jylǵa lızıngke beriledi (jyldyq 4% - ben). Onyń 32-si qala turǵyndaryna paıdalanýǵa berildi.

Mereke qarsańynda ortalyq alańda oblys ákimi Amandyq Batalovtyń qatysýymen «ıÝtong» markaly 32 jańa avtobýstyń alǵashqy partııasyn-tapsyrý saltanaty sharasy oryn aldy.

Qalǵan 23 avtobýs (14 PAZ jáne 9 «ıÝtong») jyl sońyna deıin Taldyqorǵan kóshelerimen júredi.

«Birneshe kún boıy jańa avtobýstar qalalyq baǵyttar boıynsha synaldy. Jalpy, olar barlyq zamanaýı talaptarǵa jaýap beredi. Olardyń keıbireýleri – 10 metr, basqalary-8,5 metr, jolaýshylar syıymdylyǵy 55-ten 67 orynǵa deıin qarastyrylǵan. Onda beınebaqylaý, kondıtsıonerler, múmkindigi shekteýli azamattardy otyrǵyzý - túsirý úshin qaıyrmaly platformalar kózdelgen. Sondaı-aq, elektrondy bıletteý júıesi ornatylǵan. Jalpy alǵanda, avtobýstar burynǵyǵa qaraǵanda áldeqaıda keń, olarda múgedekter arbasyna arnalǵan oryndar da bar. Alǵashqy avtobýstar jolaýshylar aǵyny eń kóp marshrýttarǵa jiberiledi. Al olardyń qanshalyqty jaıly jáne yńǵaıly ekenin Sizder, qurmetti taldyqorǵandyqtar, óz betterińizben baǵalaı alasyzdar», - dedi aımaq basshysy Amandyq Batalov.

Sondaı-aq, oblys ákimi avtojoldardy jóndeý jáne qalalyq ınfraqurylymdy jaqsartý jumystary jalǵasatynyn aıtty.

Satyp alynǵan avtobýstarǵa janarmaı quıý úshin qalada avtomobıldik gaz toltyrý kompressorlyq stantsııasy salynyp, iske qosyldy. Aıta keteıik, jańa avtobýstarda júrý tarıfi ózgerissiz qalady.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT