Taldyqorǵanda 2 myńnan asa adam turǵyn úı kezeginen alynyp tastaldy
2022 jylǵy 22 maýsym 00:48

Taldyqorǵanda 2 myńnan asa adam turǵyn úı kezeginen alynyp tastaldy

TALDYQORǴAN. QazAqparat - Taldyqorǵanda 2 myńnan asa adam turǵyn úı kezeginen alynyp tastaldy, dep habarlaıdy QazAqparat tilshisi.

Taldyqorǵan qalasynyń ákimi Áset Masabaev turǵyn úı daýyna qatysty qandaı jumys atqarylyp jatqanyn jetkizdi.

ıAǵnı, osy maqsatta qala ákimdigi kezekte.kz portalynda baspanaǵa muqtaj emes azamattardy anyqtaý maqsatynda tekseris júrgizgen.

«2015-2020 jyldar aralyǵynda zań buzýshylyqpen 1108 turǵyn úı berilgen. Onyń ishinde 360 páter jeke tulǵalar men memlekettik qyzmetkerlerge qujatsyz berilgen. Aldaǵy ýaqytta bul úıler qyzmettik páter retinde qoldanylmaq. Sonymen qatar, halyqtyń áleýmettik osal toby sanatyna jatatyn azamattarǵa 748 páter berilgen. Bul tizim boıynsha muraǵat málimetterimen salystyrý jasalyp jatyr. Onyń ishinde 298 úı - «Bereke» kottedj qalashyǵynda, 450-i - kópqabatty úılerdegi páter. Sondaı-aq, 2295 azamat turǵyn úı kezeginen alynyp tastalǵan. Onyń 469-y turǵyn úı satyp alsa, 1826-y memlekettik turǵyn úı qorynan nemese túrli sebeptermen turǵyn úı alýǵa negizi joq bop tabylǵan»,- dedi shahar basshysy Áset Masabaev.

Sonymen qatar, «Bolashaq» shaǵynaýdanyndaǵy 26,41,42,43 páter ıeleri men Jeltoqsan kóshesindegi úı ıelerine habarlama jiberilgen.

Búginde 96 talap boıynsha sot talqylaýy júrgizilip jatyr.

Aıta keterligi páterlerdi esepke alý jáne jaldaý tólemderdi boıynsha jumystar júrgizilip jatyr.

Bul aldaǵy ýaqytta túsimderdiń ashyqtyǵyn baqylaýǵa, sonymen qatar tólemderdi keshiktirýdi boldyrmaýǵa múmkindik bermek.

Jalpy, Taldyqorǵanda 16 179 azamat turǵyn kezeginde tur.

Onyń 6187-i - bıýdjettik uıym qyzmetkeri, 9992-i - halyqtyń áleýmettik osal tabyna jatatyn azamattar.

Jańalyqtar

Úrdis

MURAǴAT