+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Taldyqorǵanda 10 ret sottalǵan er adam úı tonady degen kúdikpen taǵy ustaldy

2020 jylǵy 23 qyrkúıek 01:22
Bólisińiz:
Taldyqorǵanda 10 ret sottalǵan er adam úı tonady degen kúdikpen taǵy ustaldy

TALDYQORǴAN. QazAqparat - Taldyqorǵanda asa qaýipti retsıdıvıst ustaldy, - dep habarlaıdy QazAqparat tilshisi.

Uqsas jańalyqtar
ShQO-da 8 aı boıy halyqaralyq izdeýde júrgen qylmysker ustaldy Jetisaı polıtseıleri mas kúıinde kólik júrgizgen áıeldi ustady SQO-da elik atqan brakoner ustaldy

Almaty oblystyq Polıtsııa departamenti baspasóz qyzmetiniń málimetinshe, Taldyqorǵanda Batys QPB kezekshi bóliminde aǵymdaǵy jyldyń sáýir aıynan bastap jeke úı ıelikterindegi urlyqtyń birneshe deregi tirkelgen. Ońaı oljany jaqsy kóretin azamat, úı ıeleri ketken sátti kútip, túrli joldarmen úıge kirgen. Negizinen ol ashyq qalǵan esikter, qulyptardy buzý jáne terezeni shaǵý arqyly jeke ıelikke engen. Urlanǵan múliktiń ishinde ártúrli turmystyq tehnıka, azyq-túlik jáne velosıped sııaqty túrli zattar bar, jalpy alǵanda, ártúrli modıfıkatsııalardyń sany 10-ǵa jýyq.

«Qylmystyń jasalýy, izderi men kýágerlerdiń bolmaýy urlyqty tájirıbeli ury jasaǵan degen oıǵa ákeldi. Túrli nusqalardy pysyqtap, krımınaldyq polıtsııa qyzmetkerleri kóptegen kúdiktilerdi tekserdi. Aqyrynda on ret sottalǵan asa qaýipti retsıdıvıst — Taldyqorǵan qalasynyń 54 jastaǵy turǵynyn anyqtady»,- deıdi Taldyqorǵan qalasy PB Batys QPB bastyǵy polıtsııa maıory Aıdyn Adenbaev.

Azamat alǵash ret zańǵa qaıshy áreketin 15 jasynda jasaǵan.Sodan beri ol temir tordyń artynda 35 jyl ómirin ótkizgen. Ol negizinen urlyq jasaǵany úshin, bir ret aýyr dene jaraqaty úshin sottalǵan. Ol 2020 jyldyń aqpan aıynda túrmeden bosap shyqqan.

«Búgingi kúni kúdiktiniń 12 epızodqa qatystylyǵyn dáleldeı aldyq. Biz urlanǵan zattardyń bir bóligin taýyp, zańdy ıelerine qaıtardyq, al qalǵan bóligin kúdikti satyp, aqshasyn óz qajettiligine jumsaǵan. Tájirıbeli jedel ýákilderden quralǵan bizdiń top laıyqty jumys kórsetti jáne barlyq 12 derekti dáleldep, ony áshkereledi. Kúdikti qamaqqa alyndy.Onyń óńirdegi jáne oblys aýmaǵyndaǵy ashylmaǵan basqa da qylmystarǵa qatystylyǵy tekserilýde»,-dep tolyqtyrdy polıtsııa maıory Aıdyn Adenbaev.

Barlyq 12 jábirlenýshi qaýipti qylmyskerdi ustaǵany úshin polıtsııa qyzmetkerlerine jyly lebizderin aıtyp, shyn júrekten alǵystaryn bildirdi.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT