+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Taldyqorǵan turǵynyn «qaryzyń bar» dep ushaqqa mingizbeı qoıǵandar ótemaqy tóleıdi

2019 jylǵy 16 qarasha 18:08
Bólisińiz:
Taldyqorǵan turǵynyn «qaryzyń bar» dep ushaqqa mingizbeı qoıǵandar ótemaqy tóleıdi

TALDYQORǴAN. QazAqparat – Kıpr eline ushqaly turǵan jerinen saparynan qalyp qoıǵan Aleksandr Mılko apellıatsııalyq sotta jeńip shyqty. Taldyqorǵandyq turǵynnyń eshqandaı qaryzy bolmasa da, áýejaıdaǵy mamandar ony ushaqqa ótkizbeı qoıǵan. Sebebi málimetter bazasynda oǵan shetelge shyǵýǵa tyıym salynǵany jóninde aqparat shyqqan, dep habarlaıdy QazAqparat tilshisi.

Uqsas jańalyqtar
Qyzylordada mas kúıinde tanysyn óltirgen adam 9 jylǵa bas bostandyǵynan aıyryldy Oralda qyzdy qaǵyp, qashyp ketken júrgizýshi eki aıǵa qamaýǵa alyndy Shymkentte júrgizýshi kýáligin saýdaǵa salǵan 26 polıtseıge úkim oqylyp jatyr

Sot barysynda anyqtalǵandaı, Aleksandr Mılkonyń eshqandaı da bereshegi joq bolyp shyqty. ıAǵnı, Mılkoǵa shet elge shyǵýǵa shekteý 2012 jyly qoıylyp, 2014 jyly alynyp tastalǵan. Shekteý alynǵannan keıin ol birneshe ret shet elge barǵan. Biraq 2018 jyly aıaq asty oǵan sonaý 6 jyl buryn qoıylǵan shekteýdiń nelikten qaıtadan bazaǵa shyǵyp ketkeni belgisiz.


«Almaty oblystyq ádilet departamentinen Aleksandr Mılkonyń paıdasyna 378 716 teńge materıaldyq shyǵyn, 50 myń teńge moraldyq ótemaqy jáne 9126 teńge sot shyǵyndary óndirilsin», - dedi sot alqasynyń sheshimin oqyǵan Almaty oblystyq apellıatsııalyq sot alqasynyń sýdıasy Qarlyǵash Japsarbaeva.

Aleksandr Mılko óziniń kinásizdigin bir jyldan asa ýaqyt boıy dáleldedi. Ol Ulttyq qaýipsizdik qyzmeti, Ádilet mınıstrligi men Almaty oblystyq ádilet departamentin sotqa bergen bolatyn.

«Konstıtýtsııalyq quqyǵymnyń buzylǵanyn dáleldeý úshin bir jyldan asa ýaqyt ketti. Qazaqstanda ádildik bar ekenine áıteýir kózim jetti. Eń bastysy, meniń bereshegim joq, al shekteýdiń bazada qaıta shyǵyp ketkenine men kináli emespin. Almaty oblystyq apellıatsııalyq sot alqasyna isti jan-jaqty, ádiletti qaraǵany úshin alǵys aıtamyn. Sot sheshimimen tolyqtaı kelisemin», - dedi Aleksandr Mılko.


Jeke sot oryndaýshylardyń respýblıkalyq palatasynyń resmı málimetinshe, Qazaqstanda salyq, alıment, nesıe syndy túrli bereshegi bar 1 mln 300 myńnan asa adamǵa elden shyǵýǵa tyıym salynypty.


Bizdiń kanalymyzǵa jazylyńyz:

Basty sózder: Almaty oblysy, Sot, Adam quqyǵy, Zań, Kólik,
Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT