Talapkerler UBT aıaqtalǵannan keıin 30 mınýt ishinde apellıatsııaǵa bere alady
2022 jylǵy 24 mamyr 16:51

Talapkerler UBT aıaqtalǵannan keıin 30 mınýt ishinde apellıatsııaǵa bere alady

ALMATY. QazAqparat- Almaty qalalyq Bilim sapasyn qamtamasyz etý departamentiniń basshysy Gúlnar Ermekbaeva UBT-dan keıingi appelıatsııa talaptaryn túsindirdi, dep habarlaıdy QazAqparat tilshisi.

«UBT kezinde kompıýter ekranynda kalkýlıator, Mendeleev kestesi jáne metaldardyń birqatar belsendiligi qosylǵan tuzdyń erigishtigi kestesi taǵaıyndalady. Úmitkerler testileý aıaqtalǵannan keıin 30 mınýt ishinde apellıatsııaǵa bere alady. Sertıfıkat appelıatsııa týraly sheshim qabyldanǵannan keıin testilenýshiniń jeke kabınetinde qoljetimdi bolady»,-dedi Gúlnar Ermekbaeva.

Sonymen qatar ol bıyldan bastap túlekterge JOO-ǵa grantqa túsý úshin UBE tapsyrýǵa eki múmkindik beriletinin eske saldy. Túlekter eki múmkindiktiń kómegimen tek mamandandyrylǵan pánderdiń bir kombınatsııasyn tańdaı alady.

«Ulttyq biryńǵaı testileý 16 mamyrda bastalyp, 5 shildede aıaqtalady. Osy ýaqyt aralyǵynda ótken jyldardaǵy mektep, kolledj túlekteri, shartty jáne qandastar qatysýǵa quqyly. Akademııalyq adaldyqty saqtaý úshin talapkerlerdiń test nusqasy tańbalanady. Erejelerdi buzǵan jáne test tapsyrmalaryn aýdıtorııadan tys jerge shyǵarýǵa tyrysqan jaǵdaıda, Ulttyq testileý ortalyǵy ereje buzýshylardy anyqtap, onyń test nátıjelerin joıady. Pánderdiń sany ózgerissiz qalady. Al test tapsyrmalarynyń sany – 120. Eń joǵarǵy upaı sany – 140»,- dedi spıker.

Uqsas jańalyqtar
Avtor:
Tilshi

Jańalyqtar

MURAǴAT