Talapkerler tehnıkalyq mamandyqtarǵa qyzyqpaıdy - mınıstrlik
2022 jylǵy 10 tamyz 18:14

Talapkerler tehnıkalyq mamandyqtarǵa qyzyqpaıdy - mınıstrlik

NUR-SULTAN. QazAqparat – Talapkerler tehnıkalyq mamandyqtarǵa qyzyǵýshylyq tanytpaıdy. Bul týraly Ǵylym jáne joǵarǵy bilim mınıstrligine qarasty joǵary jáne joǵary oqý ornynan keıingi bilim departamenti dırektorynyń orynbasary Erjan Ámirbekuly málim etti, dep habarlaıdy QazAqparat tilshisi.

«Keshe respýblıkalyq baıqaý komıssııasy óz jumysyn aıaqtady. Konkýrs qorytyndysy boıynsha memlekettik bilim grantynyń ıegerleri anyqtaldy. Memleket bakalavrıat boıynsha 75 myńnan astam grant bóldi. Qazirgi ýaqytta talapkerler arasynda pedagogıka, stomatologııa, saıasattaný, halyqaralyq qatynastar sııaqty mamandyqtar tanymal. Al, mehanıka, aýyl sharýashylyǵy, toqyma ónerkásibi tehnologııasy salalaryna qyzyǵýshylyq tanytqandar az», - dedi Erjan Ámirbekuly.

Onyń aıtýynsha, Memleket basshysynyń tapsyrmasy boıynsha bıyl granttardyń 60 paıyzy tehnıkalyq mamandyqtarǵa baǵyttalǵan.

Sonymen qatar, Úkimet halyq tyǵyz ornalasqan aımaqtar men batys óńirlerinen ótinish bergen talapkerlerge qosymsha 10 myń grant bóldi.

Búginde onyń 2 myńnan astamy berilgen. Konkýrs komıssııasy qalǵan grantty bólý jumysymen aınalysyp jatyr.

Erjan Ámirbekulynyń málimetinshe, memlekettik bilim granttarynyń bir bóligi áli bólinbegen.

Olardy taǵaıyndaý - konkýrs komıssııasynyń quzyrynda. Resmı derekke sáıkes, memlekettik grantqa 79 myńǵa jýyq talapker ótinish joldaǵan.

Qazirgi tańda talapkerlerdiń keıbiri túrli sebeptermen óz grantynan bas tartqan. Olar basqa talapkerler arasynda bólinedi.

Eske sala keteıik, búgin memlekettik bilim granty ıegerleriniń tizimi jarııalanǵan bolatyn.


Seriktester jańalyqtary

Jańalyqtar

Úrdis

MURAǴAT