+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Talapqa saı emes JOO basshylary Úkimet úıinde esep berdi

2019 jylǵy 11 jeltoqsan 13:07
Bólisińiz:
Talapqa saı emes JOO basshylary Úkimet úıinde esep berdi

NUR-SULTAN. QazAqparat - Premer-Mınıstrdiń orynbasary Berdibek Saparbaev QR Úkimetiniń janyndaǵy Qazaqstan Respýblıkasynyń joǵary oqý oryndaryn ońtaılandyrý jónindegi komıssııa otyrysyn ótkizdi. QazAqparat bul týraly primeminister.kz saıtyna silteme jasap habarlaıdy.

Uqsas jańalyqtar
Qordaı oqıǵasy: Berdibek Saparbaev kúdiktilerdiń týystarymen kezdesti Berdibek Saparbaev jobalaý qujattamalarynyń 7 jylda daıyn bolmaǵanyn synady Qordaılyqtardyń máseleleri «Beıbitshilik pen kelisim» jobasy aıasynda sheshilýde

«Memleket basshysy Qasym-Jomart Toqaev Úkimetke «dıplomdardy basyp shyǵaryp beretin keńselerge« aınalǵan joǵary oqý oryndaryna qatysty qatań sharalar qabyldaýdy tapsyrdy. Búginde elimizde 132 JOO jumys isteıdi, onyń 43% - jekemenshik. Olarda 600 myńnan asa stýdent oqıdy, onyń ishinde 191 myńy – memlekettik tapsyrys aıasynda bilim alady. Ókinishke oraı, bilim berý sapasy týraly biz eńbekke ornalasý deńgeıi boıynsha ǵana tujyrym jasaı alamyz, árbir tórtinshi túlek – jumyssyz», - dedi B. Saparbaev Úkimet úıinde ótken otyrysta.

Bilim jáne ǵylym mınıstri Ashat Aımaǵambetovtiń aıtýynsha, bıyl 34 JOO-da tekserý júrgizildi, onyń ishinde 22-si jospardan tys tekserý boldy.

«Taldaý kórsetkendeı, kóptegen JOO-da zańnama talaptaryn buzýǵa jol beriledi. Keń taraǵan problemalar – shtattyq birlik pen oqytýshylyq-professorlyq quramnyń dárejesiniń jetkiliksizdigi, túlekterdiń eńbekke ornalasýynyń tómen deńgeıi, bilim alýshylardyń mınımaldy kontıngentine talaptardyń saqtalmaýy, oqý alańdary men jataqhanalardyń jetkiliksizdigi. Bul problemalar JOO-lardyń tómen áleýetimen tikeleı baılanysty. ıAǵnı, olarǵa joǵary bilim berýdiń belgilengen standarttaryn qamtamasyz etýge múmkindik bermeıdi», - dedi mınıstr.

Sonymen qatar shekti ball almaǵan abıtýrıentterdi, beıindi pánderdi eskermeı qabyldaý, bilim týraly qujattary, UBT tapsyrý sertıfıkattary bolmaǵandardy qabyldaý jáne basqa da óreskel zań buzýshylyqtar oryn alǵan.

Tekserýler nátıjesinde 5 joǵary oqý ornynyń lıtsenzııasy toqtatylyp, ákimshilik aıyppuldar salyndy. Taǵy bes JOO boıynsha sheshimder qabyldanýda.

Sonymen qatar, Bilim jáne ǵylym mınıstrligine JOO-lardyń lıtsenzııalaryn qaıtaryp alý jáne alyp qoıý quzyretin berý máselesi pysyqtalýda. Elimizdiń jetekshi joǵary oqý oryndarymen joǵary bilim berý sapasyn jaqsartý boıynsha normatıvtik-quqyqtyq baza jetildirilýde.

«Alaıda, mundaı praktıka barlyq joǵary oqý oryndarynda baıqalyp otyrǵan joq. Bizdiń elimizde sheteldik oqý oryndarynan kem túspeıtin myqty JOO-lar jetkilikti», - dedi A. Aımaǵambetov.

Otyrysta «Qaınar» akademııasynyń, Qazaq eńbek jáne áleýmettik qatynastar akademııasynyń, Kaspıı qoǵamdyq ýnıversıtetiniń, «Almaty» ýnıversıtetiniń, Ortalyq Azııa ýnıversıtetiniń, Almaty ekonomıka jáne statıstıka akademııasynyń, Qazaq jol qatynastary ýnıversıtetiniń rektorlarynyń baıandamalary tyńdaldy. Olardy tekserý kezinde zań buzýshylyqtar anyqtalǵan bolatyn.

Osyǵan baılanysty mınıstrlik JOO-lardyń basshylyǵymen birlesip oqý oryndaryn biriktirý nemese olardy kolledj retinde qaıta qurý máselelerin pysyqtaýda. Eger JOO-lar kemshilikterin joımasa, onda lıtsenzııalaryn qaıtaryp alý jáne jabý úshin másele olarmen sot tártibinde sheshiletin bolady.

Keńesti qorytyndylaǵan vıtse-premer joǵary bilim berý salasyndaǵy birqatar problemalyq máselelerdi atap aıtty. Olardyń qatarynda oqytýdyń tómen sapasy, sybaılas jemqorlyqtyń joǵary deńgeıi, ǵylymı-zertteý jumystarynyń nashar damýy, kásiporyndarmen baılanystyń nasharlyǵy, oqytýshylardyń jalaqy deńgeıiniń tómen bolýy, memlekettik bilim berý tapsyrysynyń jasalý jáne ornalastyrylýynyń ashyq emestigi jáne taǵy basqasy bar.

«Joǵary bilim berý sapasyn arttyrý – bul bizdiń elimizdiń básekege qabilettiligin qamtamasyz etýdegi negizgi másele. Sondyqtan oǵan barynsha baıyppen qaraýymyz kerek. Bizge quzyreti tómen, suranysqa ıe emes mamandardy daıarlaıtyn ýnıversıtetter ne úshin qajet, jumyssyzdar qataryn kezekti ret kóbeıtý úshin be? Olarǵa qatysty lıtsenzııalaryn qaıtaryp alýǵa deıin óte qatań sharalar qoldanylatyn bolady!», - dep túıindedi Berdibek Saparbaev.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT