+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

«Talgodaǵy» zorlyq: Sýdıalar Qylmystyq kodekske ózgeris engizýdi surady

2019 jylǵy 23 tamyz 17:14
Bólisińiz:
«Talgodaǵy» zorlyq: Sýdıalar Qylmystyq kodekske ózgeris engizýdi surady

QOSTANAI. QazAqparat – Qostanaı oblystyq sotynyń alqasy «Tulpar-Talgo» poıyzynda aqtóbelik qyzdy zorlaǵan jolserikterge shyǵarylǵan úkim boıynsha apellıatsııalyq shaǵymdardy qaraǵannan keıin, Bas prokýratýranyń janyndaǵy vedomstvoaralyq jumys tobyna arnap jeke qaýly shyǵardy, dep habarlaıdy QazAqparat tilshisi.

«Qylmystyq kodekstiń 120, 121, 122 jáne 123-baptarynyń sanktsııalary jynystyq qolsuqpaýshylyqqa qarsy qylmystardy aýyrlyq deńgeıi ortasha qylmystar sanatyna jatqyzady. Bul qylmyskerge ne beredi? Birinshiden, ol qatań jazadan qutylady. Zorlyqshyny sot eń kóbi 5 jylǵa kesýi múmkin, odan artyq emes. Eger isti aýyrlatatyn jaǵdaılar bolmasa, jeńildetetin jaǵdaılar bolsa, onda sot QK-niń 55-babyna sáıkes, odan da az – 2,5 jyldan artyq emes merzimge bas bostandyǵynan aıyrý jazasyn ǵana belgileı alady. Ekinshiden, qylmysker QK-niń 68-babyna sáıkes, jábirlenýshimen ymyraǵa kelý arqyly jazadan qutylyp ketýi múmkin. Úshinshiden, QK-niń 72-baby boıynsha, jaza merziminiń úshten birin ótegen soń, bas bostandyǵynan aıyrý mekemesinen shartty túrde ýaqytynan buryn shyǵýy múmkin. Tórtinshiden, merzimniń ótelmegen bóligin aıyppulǵa nemese jazanyń jeńil túrine almastyrýǵa bolady. Besinshiden, qısynsyz jeńil jaza alýy múmkin. QK-niń 55-baby eger qylmysker jábirlenýshige materıaldyq jáne moraldyq zalaldyń qunyn tólegen bolsa, sottardyń oǵan bas bostandyǵynan aıyrý jazasyn belgileýine tyıym salady. Aıypty qaýipsizdik deńgeıi ortasha mekemede jazasyn óteıdi. Óıtkeni QK sotqa oǵan qatańyraq rejim belgileý quqyǵyn bermeıdi», - delingen qaýlyda.

Apellıatsııalyq alqa Qylmystyq kodekske túzetýler engizýdi, atap aıtqanda, 120, 121 jáne 122-baptardyń birinshi bóligi boıynsha taǵaıyndalatyn jaza merzimin 5 jyldan 7 jylǵa uzartýdy; 55-baptyń qoldanylýyna shek qoıýdy usynady. Bul sotty jynystyq qylmys jasaǵan adamdy bas bostandyǵynan aıyrý jazasyn taǵaıyndaý kezinde jaza merzimin qysqartý mindettemesinen bosatady.

Budan bólek, sot alqasy 91 jáne 93-baptarǵa ózgertýler engizý arqyly mindetti túrde hımııalyq kastratsııa jasaýdy qarastyrýdy; QK-niń 132-babynyń ekinshi bóligindegi jazany qataıtýdy, qosymsha túrde «jábirlenýshiniń qyzmettik táýeldiligin paıdalaný jolymen» atty kvalıfıkatsııalaý belgisin engizýdi usynyp otyr.

Eske salsaq, 26 shilde kúni Qostanaıda «Tulpar-Talgo» poıyzynda aqtóbelik boıjetkendi zorlaǵan eki jolserikke úkim shyǵarylǵan edi.

Avtory: Janna Musabaeva

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT