+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Talgodaǵy qyz zorlaǵan ekeýdiń isine núkte qoıyldy

2020 jylǵy 25 aqpan 18:38
Bólisińiz:
Talgodaǵy qyz zorlaǵan ekeýdiń isine núkte qoıyldy

QOSTANAI. QazAqparat – Qostanaı oblysynyń qylmystyq ister boıynsha Sot alqasy «Tulpar-Talgo» poıyzynda bolǵan oqıǵaǵa baılanysty apellıatsııalyq shaǵymdardy qarady, dep habarlaıdy QazAqparat oblystyq sottyń baspasóz qyzmetine silteme jasap.

Qostanaıdyń №2 qalalyq sotynda burynǵy jolserikter Qolqanat Qurmanııaz ben Jetes Úmbetálıevke shyǵarylǵan úkim qaıta qaralyp, ózgerissiz qaldy. Sot qylmyskerlerdiń qorǵaýshylarynyń shaǵymdaryn qarady.

«Qostanaı qalalyq №2 sotynyń úkimimen № 6 vagondaǵy jolaýshyny zorlaǵan Q. Qurmanııaz ben J. Úmbetálıev QR QK 120-baby boıynsha kináli dep tanylyp, árqaısysy 5 jylǵa bas bostandyǵynan aıyryldy. Sot alqasy qabyldanǵan sheshimniń negizdiligi men zańdylyǵyna baılanysty birinshi satydaǵy sottyń úkimimen kelisti. Sottalýshylardyń kinási jábirlenýshiniń aıǵaqtarymen dáleldendi. J. Úmbetalıev aldyn ala qylmys jasaý orny men jaǵdaılaryn daıyndap, kýpedegi basqa adamdardy shyǵaryp jibergen. Jábirlenýshiniń aıǵaqtary sotta jáne sot tergeýi boıy turaqty boldy, is materıaldarymen, saraptama qorytyndysynyń nátıjelerimen tolyq sáıkes keledi. Jolserikterge jaza istiń barlyq mán-jaılaryn eskere otyryp, baptyń sanktsııasy sheginde taǵaıyndalǵan», - dedi oblystyq sottyń baspasóz qyzmetindegiler.

Eske sala keteıik, «NeMolchıKZ» qoǵamdyq qorynyń basshysy Dına Smaılovanyń Facebook paraqshasynda jazýynsha, 26 qyrkúıek kúni keshki saǵat 10-dar shamasynda boıjetken «Talgo» poıyzynyń kýpesine otyrady. Kýpe ishinde bir er adam bolǵan. Zattaryn qoıyp, poıyz meıramhanasynyń ashanasynan tamaqtanyp kelnen kezinde kýpe ishinde arnaıy forma kımegen jolserik otyrady. Ol áýelgi er adamdy basqa kýpege aýystyryp jibergenin aıtady. Qyz uıqysy kelgenin túsindirip, jolserikten kýpeden shyǵýyn ótinedi. Syra iship otyrǵan jolserik tek jarty saǵattan soń shyǵyp ketken. Alaıda tańǵy saǵat 04:00 shamasynda jolserik boıjetken jatqan kýpege óz kilti arqyly ashyp kiredi. Munan soń aram oıyn iske asyrady. Іzinshe ekinshi jolserik te kelip, boıjetkendi zorlaǵan.



Bizdiń kanalymyzǵa jazylyńyz:

Basty sózder: Qostanaı oblysy, Sot,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT