+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Taılandta Semeı polıgonynyń qasireti týraly fılm kórsetildi

2019 jylǵy 1 qyrkúıek 05:37
Bólisińiz:
Taılandta Semeı polıgonynyń qasireti týraly fılm kórsetildi

NUR-SULTAN. QazAqparat – BUU-nyń Azııa men Tynyq muhıtqa arnalǵan ekonomıkalyq jáne áleýmettik komıssııasynyń (ATMEÁK) shtab-páterinde Halyqaralyq ıadrolyq synaqtarǵa qarsy is-qımyl kúnine arnalǵan jıyn ótti. Bul týraly QazAqparat SІM silteme jasap habarlaıdy.

Uqsas jańalyqtar
Qazaqstan ıadrolyq qarýǵa tyıym salý týraly qujatty BUU tapsyrdy Ankarada ıAdrolyq synaqtarǵa qarsy halyqaralyq kún atap ótildi Elbasy álemdik derjavalardyń basshylaryn Qazaqstanǵa shaqyrdy

Shara Qazaqstannyń Taıland Koroldigindegi Elshiliginiń bastamasymen uıymdastyryldy. Semeı polıgonynyń qasireti týraly derekti fılm kórsetilgennen keıin qatysýshylar ıadrolyq qarýdy qoldaný jáne synaý qurbandaryn bir mınýt únsizdikpen eske aldy.

Óz sózinde Elshi Raýshan Esbýlatova Qazaqstannyń Tuńǵysh Prezıdenti – Elbasy Nursultan Nazarbaevtyń jahandyq ıadrolyq qarýǵa qarsy qozǵalysty ilgeriletýdegi aıryqsha rólin atap ótti. Álemdegi tórtinshi ıadrolyq áleýetinen bas tartý sheshimin qabyldaý halyqaralyq qoǵamdastyqqa jas Qazaqstannyń beıbit nıetteri týraly aıqyn belgi berdi. Bul tarıhı qadam eldiń halyqaralyq qyzmetiniń bolashaǵyn aıqyndady. Elbasy basshylyǵymen Qazaqstan ıadrolyq qarýsyzdanýdyń belsendi jaqtaýshylarynyń biri boldy. Respýblıkamyz TMD-ǵa múshe-memleketterdiń alǵashqy qatarynda ıAdrolyq qarýdy taratpaý týraly shartqa jáne ıAdrolyq synaqtarǵa tutastaı tyıym salý týraly shartqa qosyldy. Semeı shartyna qol qoıý arqyly Ortalyq Azııadaǵy ıAdrolyq qarýdan azat aımaq quryldy – Soltústik jarty shardaǵy osyndaı tuńǵysh aımaq boldy. 10 jyl buryn Qazaqstannyń bastamasymen 29 tamyz BUU Bas Assambleıasynyń qararymen ıAdrolyq synaqtarǵa qarsy halyqaralyq is-qımyl kúni bolyp jarııalandy. 2015 jyly BUU BA ıAdrolyq qarýdan azat álemge qol jetkizý boıynsha jalpyǵa ortaq deklaratsııa qabyldandy. Qazaqstan aýmaǵynda MAGATE Tómen baıytylǵan ýran bankin qurý barlyq múddeli memleketterge beıbit atomǵa qoljetimdilikti ashty. Qazaqstannyń ıadrolyq qarýsyzdaný isine beıildiliginiń jaqynda rastalýy - memleketimizdiń jappaı qyryp-joıý qarýyna tyıym salý salasyndaǵy zańdy olqylyqtardy toltyrýǵa baǵyttalǵan ıAdrolyq qarýǵa tyıym salý týraly shartty ratıfıkatsııalaýy boldy. R.Esbýlatova is-sharaǵa qatysýshylarǵa Elbasynyń BUU minberinen 2045 jylǵa deıin ıadrolyq qarýdan azat álem qurý úshin kúsh-jigerdi biriktirýge shaqyrdy.




ATMEÁK Atqarýshy hatshysy Armıda Salsıa Alısdjabana quttyqtaý sóz sóıledi, ol Qazaqstannyń turaqty damý úshin qajetti negizi bolyp tabylatyn beıbitshilik pen qaýipsizdikti saqtaý jónindegi belsendi saıasatyn joǵary baǵalady.

Taıland SІM-niń Halyqaralyq uıymdar departamenti Bas dırektorynyń orynbasary R.Vırabýtr óz sózinde resmı Bangkok Qazaqstannyń taratpaý baǵyttaǵy bastamalaryn qoldaý isine qosylatytyn málimdedi.

Іs-sharaǵa AQSh, Aýstrııa, EO, Iran, Italııa, Japonııa, Kanada, Qytaı, Lıvııa, Malaızııa, Meksıka, Mońǵolııa, Nıgerııa, Ózbekstan, Pákistan, Portýgalııa, Reseı, Shrı-Lanka, Shyǵys Tımor, Chılı, Túrkııa, Ýkraına, Vatıkan elshileri men ókilderi qatysty. Óz pikirlerinde sóz sóıleýshiler Qazaqstan jáne onyń basshylyǵynyń taratpaý, halyqaralyq ıadrolyq qarýsyz bastamalardy ilgeriletý salasyndaǵy máselelerdi sheshýde qyzmetin joǵary baǵalady, sondaı-aq ıadrolyq qarýdan azat álemge qol jetkizý úshin álemdik qaýymdastyqtyń kúsh-jigerin biriktirýdiń mańyzdylyǵyn atap ótti.

Forým sheńberinde qatysýshylar «ATOM» jobasy aıasynda júzege asyrylatyn qyzmetpen tanysýǵa jáne ıadrolyq qarýdan azat álem úshin onlaın petıtsııaǵa qol qoıýǵa múmkindik aldy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT