+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Taılandta Álemdik dinder kóshbasshylarynyń VI seziniń qorytyndysy talqylandy

2018 jylǵy 29 qazan 22:57
Bólisińiz:
Taılandta Álemdik dinder kóshbasshylarynyń VI seziniń qorytyndysy talqylandy

BANGKOK. QazAqparat - Bangkok qalasynda Qazaqstannyń Taılandtaǵy Elshiliginiń bastamasymen Búkilálemdik býddıster qoǵamdastyǵynyń shtab-páterinde Álemdik jáne dástúrli dinder lıderleriniń VI seziniń qorytyndylaryna arnalǵan halyqaralyq konferentsııa ótti, dep habarlaıdy QazAqparat.

«Qazaqstan men Taıland: konfessııaaralyq kelisimge qosqan úlesi» atty konferentsııanyń negizgi ıdeıasy - Taıland jurtshylyǵynyń nazaryn Qazaqstan Respýblıkasynyń ártúrli konfessııalar arasyndaǵy dıalogty damytý, jahandyq beıbitshilik pen kelisimdi nyǵaıtýdaǵy ózara is-qımylyn kúsheıtý jónindegi qyzmetine aýdarý, sondaı-aq osy saladaǵy tájirıbe almasý. Sharaǵa memlekettik organdardyń, qoǵamdyq jáne akademııalyq toptardyń, dinı uıymdardyń, sondaı-aq Taılandtyń dıplomatııalyq korpýsy ókilderi qatysty.

QR Syrtqy ister mınıstrliginiń baspasóz qyzmetinen málim etkendeı, konferentsııada Elshi Raýshan Esbolatova Álemdik jáne dástúrli dinder lıderleriniń VI sezi jumysynyń qorytyndylarymen tanystyrdy. Atap aıtqanda, Deklaratsııanyń negizgi qaǵıdalary, sondaı-aq plenarlyq jáne sektsııalyq otyrystarynyń taqyryptary ashyldy. Qazaqstan Respýblıkasynyń Prezıdenti usynǵan «Manıfest. «Beıbitshilik. XXI ǵasyr» atty qujatyna erekshe nazar aýdaryldy.

Sonymen birge, is-shara qatysýshylary Elbasynyń túrli dinder, mádenıetter men órkenıetter arasyndaǵy beıbitshilikti, kelisim men jemisti dıalogty qamtamasyz etýge baǵyttalǵan halyqaralyq platforma qurý jónindegi biregeı bastamasyn iske asyrý nátıjesi retindegi Sezdiń tarıhymen tanystyryldy.

Halyqaralyq konferentsııaǵa Taılandtyń atynan qatysqan Búkilálemdik býddıster qaýymdastyǵy prezıdentiniń keńesshisi T.Sýcharıkýl jáne Dúnıejúzilik beıbitshilik ýákili keńsesiniń Bas hatshysy P. Tovıvıch Álemdik jáne dástúrli dinder lıderleriniń VI sezi jumysyna qatysty óz pikirlerimen bólisti. Delegattar Sezdiń ózara senim men syılastyq atmosferasyn qalyptastyrý maqsatynda dinı jáne saıası lıderlerdiń kúsh-jigerin biriktirý boıynsha bastamasyna qoldaý bildirdi. Bul olardyń pikirinshe tartysty jaǵdaılady boldyrmaýǵa kómektesedi. Sondaı-aq, Taıland ókilderi mundaı keń aýqymdy sharany uıymdastyrýdyń joǵary deńgeıin atap ótti.

Taıland Koroldigi Mádenıet mınıstrliginiń Din isteri departamentiniń ókilderi óz kezeginde, konfessııaaralyq kelisimdi qamtamasyz etýdiń ulttyq tetikteri týraly baıandady. Qazirgi tańda Koroldikte 15 dinı uıym resmı tirkelgen, al memleket moıyndaǵan negizgi dinder býddızm, ıslam, ındýızm, sıkhızm jáne hrıstıan bolyp tabylady.

Tusaýkeserden keıin jemisti pikirtalas ótip, onyń barysynda is-sharaǵa qatysýshylar túrli dinder men mádenıetter arasyndaǵy dıalogty damytý ózektiligi, sondaı-aq bul turǵydaǵy Sez róliniń mańyzdylyǵy týraly kelisimge keldi.

null

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT