Taıland áýejaıynda áıelder qoljúginen 109 janýar tabyldy
2022 jylǵy 30 maýsym 23:54

Taıland áýejaıynda áıelder qoljúginen 109 janýar tabyldy

NUR-SULTAN. QazAqparat - Taıland áýejaıynda Úndistanǵa 109 tiri janýardy bagajynda alyp ótpek bolǵan eki áıel ustaldy, dep habarlaıdy QazAqparat ABC News basylymyna silteme jasap.

Oqıǵa Bangkoktyń Sývarnabhýmı áýejaıynda oryn alǵan. Úndistandyq eki áıeldiń chemodandaryn josparly rentgendik tekserý kezinde áýejaı qaýipsizdik qyzmetiniń nazaryna kúdikti zattar túsken. Júkti tekserý kezinde barlyǵy 109 janýar tabyldy, sonyń arasynda eki jaıra, eki kireýkeı, 35 tasbaqa, 50 qubylǵy jáne 20 jylan bolǵan.

Eki áıel qamaýǵa alyndy. Olarǵa janýarlar dúnıesin saqtaý jáne qorǵaý, janýarlar arasyndaǵy indet jáne ádet-ǵuryptar týraly.jergilikti birneshe zańdy buzdy degen aıyp taǵylyp otyr.

Taılandtyń Ulttyq saıabaqtar, jabaıy tabıǵat jáne ósimdikterdi qorǵaý departamentiniń buǵan deıingi málimdemesinde tiri qalǵan janýarlar jabaıy tabıǵatty qutqarý ortalyqtaryna jiberiletini aıtylǵan.


Jańalyqtar

Úrdis

MURAǴAT