+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Tabysyn qyshtan qalaǵan qarjy mamany: Bir ǵana ydys meni biregeı jolǵa jeteledi

2020 jylǵy 19 qyrkúıek 18:36
Bólisińiz:
Tabysyn qyshtan qalaǵan qarjy mamany: Bir ǵana ydys meni biregeı jolǵa jeteledi

NUR-SULTAN. QazAqparat – Elimizde qysh-qumyra jasaý ónerine kóptiń qyzyǵýshylyǵy artyp keledi. Qolóner kásibiniń qalaısha bıznes úshin marketıngtik ıdeıaǵa aınalǵanyn jáne keramıkaǵa qyzyǵýshylar ol ónerdi ıgerý úshin neni bilýi kerektigin QazAqparat tilshisi «Twist» qysh-qumyra stýdııasynyń negizin qalaýshydan bilip kórgen edi.

Uqsas jańalyqtar
Atyraý oblysynda qujaty joq 12 adam anyqtaldy Túrkistan iri ulttyq qolóner ortalyǵyna aınalady Qazaqstanda «Jyl volonteri» baıqaýy jarııalandy

34 jastaǵy Álfııa Baımuqanova Soltústik Qazaqstan memlekettik ýnıversıtetin «qarjy» mamandyǵy boıynsha bitirgen. Biraz ýaqyt Petropavlda bankte jumys istegen. Alaıda óziniń shynaıy eńbek jolyn basqa saladan taýypty.

«Qysh-qumyra ónerine degen qyzyǵýshylyǵym 6 jyl buryn paıda boldy. Bir kúni balshyqtan ydys jasap kórip, sol-aq eken qysh-qumyra ónerine ańsarym aýdy. Sóıtip júrip danııalyq keramıkashynyń jarnamasyn kózim shalyp qaldy. Ol Sankt-Peterbýrgte sheberlik saǵatyn ótkizgeli jatyr eken. Men úshin bul bir múmkindik ekenin bile qoıdym da, birden bılet satyp aldym», - deıdi Álfııa.

Álfııa ónerdiń bul túrimen úıinde aınalysa bastapty. Alǵashqy týyndylaryn as úıinde jasap otyryp, óz stýdııasyn ashý týraly sheshimge kelgen. Tórt jyl buryn óneri men tájirıbesi tolysqan ol balshyqtan óner týyndysyn jasaý sheberligimen bólispekke bekinedi.

«Álbette áý basta azdaǵan ýaıym boldy. Qolǵa alǵan isim qoldaýǵa ıe bola ma, álde, joq pa dep alańdaýshy edim. Al qazir «Twist» stýdııasynyń tabysty jumys istep jatqanyna bir jarym jyl boldy», - deıdi stýdııanyń negizin qalaýshy.

Álfııa óziniń qysh-qumyra ónerin medıtatsııa túri dep biledi eken.

«Balshyqty bir-birine jabystyryp bastaǵannan-aq oıdyń bári iske jumylady da, kóńildegi ýaıym umytylady. Óner týyndysyn jasaý úrdisi tipti tamsandyrady: qysh-qumyra dóńgelegin eppen shyǵarý – qazirgi máselelerden alysqa áketedi. Siz óz qolyńyzben jasaǵan ár ydysta ózindik tarıh, tolymdy oılar men kóńil-kúı jatady. Sonymen qatar jumys barysynda shyǵarmashylyq áleýetińiz asqaqtap, ómirge degen mahabbatyńyz kúsheıe túsedi», - deıdi Álfııa Baımuqanova.

Qolónershi materıaldar men quraldardy basqa elden, atap aıtqanda balshyq pen jyltyraq áshekeılerdi Germanııa, Italııa men Reseıden ákeledi eken.

Álfııanyń aıtýynsha qysh-qumyra óneriniń orny aıryqsha. Sebebi onda balshyqty bir-birine jabystyra bermeısiz. Balshyqtyń ózin ydys bola alatyndaı bapqa keltirý úshin ol birneshe kezeńnen ótedi. Ol úshin balshyqty 1000 gradýstyq arnaıy peshke kúıdirip alý kerek.

«Daıyn ónimdi alý úshin onyń babyn bilgen abzal. Bul óner tolyqqandy nazardy talap etedi. Jyldam jasaǵyńyz kelse yrqyńyzǵa taǵy kónbeıdi. Ydysty tolyǵymen daıyn bolý úshin ony keptirip, kúıdirip, áshekeılegennen keıin qaıta kúıdirý kerek. Alaıda bizdiń sheberlik saǵatyna keletinderdi eń aldymen bosańsyp, balshyqpen jumys isteýden lázzat alýǵa shaqyrar edim. Birinshi ret aınalysqannan-aq bul óner sizdiń peshenińizge jazyldy ma, joq pa – birden bilesiz», - dep atap ótti Álfııa.

Óziniń stýdııasynda Álfııa eresekterge arnap sheberlik saǵattaryn ótkizedi eken. Alaıda balalardyń synyby bar. Sharalardyń kóbi merekelik sıpatta ótedi eken. Keramıka ónerin baǵalaýshylar ártúrli formadaǵy ydystar satyp ta ala alady.


Bizdiń kanalymyzǵa jazylyńyz:

#Mádenıet   #Óner   #Qoǵam  
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT