+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Syrtqy ister mınıstrliginiń burynǵy jaýapty xatshysyna qatysty úkim shyqty

2020 jylǵy 21 qyrkúıek 12:11
Bólisińiz:
Syrtqy ister mınıstrliginiń burynǵy jaýapty xatshysyna qatysty úkim shyqty

NUR-SULTAN. QazAqparat – Elordadaǵy №2 Baıqońyr aýdanynyń sotynda Anarbek Qarashev jáne ózge de kúdiktilerge qatysty qylmystyq is qaraldy, dep habarlaıdy QazAqparat tilshisi.

Uqsas jańalyqtar
Shpekbaev Pavlodar oblysynyń jurtshylyǵymen kezdesti Aqtaýda jemqorlyqqa qarsy mádenıetti qalyptastyrý taqyrybynda onlaın-trenıng ótti Bıyl 284 adamǵa qatań sógis jarııalandy - agenttik

«Qarashev (buǵan deıin Syrtqy ister mınıstrliginiń jaýapty hatshysy qyzmetin atqarǵan) elshilik ǵımaratynyń qurylysy úshin jáne qosylǵan qun salyǵyna bólingen aqshalaı qarajatty jymqyrǵany úshin aıyptaldy. Sondaı-aq, ol kásipkerlerden para alǵandyǵy, aqshalaı qarajatty zańdastyrǵany úshin aıyptaldy. Prokýror sot talqylaýy barysynda Qarashevtiń para alý men qarajatty zańdastyrýdaǵy aıyptan bas tartyp, aıyptyń jańa tujyrymdamasyn usyndy. Prokýrordyń mundaı sheshimi sot úshin mindetti bolyp tabylady. Sot Qarashevtiń is-áreketin laýazymdyq ókilettilikti teris paıdalaný dep saralady», - delingen taratylǵan habarlamada.

Sonymen qatar, Ýtembaev (Ózbekstandaǵy burynǵy elshi) Qarashevqa qylmystyq quqyq buzýshylyqqa kómekteskeni úshin aıyptaldy. Sakenova (SІM Basqarmasy sharýashylyǵynyń burynǵy dırektory) kásipkerlerden para alǵandyǵy úshin aıyptaldy. Nurekenov,Jýmasanovaǵa (Basqarmanyń burynǵy qyzmetkerleri) kelesideı aıyp taǵyldy: birinshisi - ókilettilikti teris paıdalanýǵa jáne para alýǵa kómektesken, ekinshisi – para alýǵa kómektesken. JShS-niń basshysy Kýtdýsov para bergendigi úshin aıyptaldy.

«Barlyq sottalýshylarǵa aıyptaý úkimi jarııalandy. Sot Qarashev, Ýtembaev jáne Nurekenovtiń alǵashqy ret jaýaptylyqqa tartylyp otyrǵandyǵyn, kámeletke tolmaǵan balalarynyń bar bolýyn esepke aldy. Sakenova, Jýmasanova jáne Kýtdýsov jasaǵan is-áreketterine ókindi, aıybyn moıyndap kelgen, jan-jaqty moıyndaý túsinikterin bergen, Sakenovanyń balasy bar. Qarashev – 55 jasta, Ýtembaev – 54 jasta. Qarashev jáne Ýtembaevqa 2 jyl bas bostandyǵyn shekteý jazasy (bap sanktsııasy 7 jylǵa deıin bas bostandyǵyn shekteý nemese bas bostandyǵynan aıyrýdy qarastyrady) taǵaıyndaldy. Nýrekenovke - 5 jyl, Sakenova, Jýmasanovaǵa 2 jyl bostandyǵynan aıyrý jazasy, al Kýtdýsovqa aıyppul túrindegi jaza taǵaıyndaldy», - dep atalyp ótken sot málimetinde.

Barlyq sottalýshylar memlekettik qyzmette qyzmet atqarý quqyǵynan ómir boıyna aıyryldy.

Úkim zańdy kúshine engen joq.

Eske sala keteıik , 2018 jyly maýsymda QR Memlekettik qyzmet isteri jáne sybaılas jemqorlyqqa qarsy kúres agenttigi burynǵy sheneýnikti iri paramen ustady.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT