+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Syrtqy ister mınıstri Gonkongke baratyn týrısterge sál kidire turýdy surady

2019 jylǵy 26 qarasha 10:20
Bólisińiz:
Syrtqy ister mınıstri Gonkongke baratyn týrısterge sál kidire turýdy surady

NUR-SULTAN. QazAqparat – Syrtqy ister mınıstri Muhtar Tileýberdi Gonkong qalasyna barǵysy keletin týrısterge sál kidire turýdy surady, dep habarlaıdy QazAqparat tilshisi.

«Gonkong ortalyǵynda kólikterdiń júrýi tyǵyz bolyp jatyr. Sherý, polıtsııamen qaqtyǵys– ýnıversıtet jaqtarynda. Jalpy, bizdiń Bas konsýldyǵymyz ornalasqan jer, basqa aýdandar tynysh», - dedi Muhtar Tileýberdi Úkimet otyrysynan keıin tilshilerdiń suraǵyna jaýap bere otyryp.

Sonymen birge, mınıstr «qazaqstandyqtarǵa ol jaqqa týrıst retinde barýǵa bola ma?» degen suraqqa da jaýap berdi.

«Týrıster negizinen barady. Biraq, degenmen qazirgi jaǵdaıǵa baılanysty sál kidire tursa degen usynys bar», - dedi ol.

Eske sala ketsek, Gonkong qalasynda narazylar men polıtsııa arasyndaǵy qaqtyǵys kezinde Qazaqstan azamaty ustalǵany habarlanǵan bolatyn.

«Gonkong qalasy polıtsııasynyń qazaqstandyq dıplomattarǵa usynǵan aqparatyna sáıkes, 18 qarasha kúni narazylyq tanytýshylarmen qaqtyǵys barysynda Qazaqstan azamaty, Gonkong Baptıst ýnıversıtetiniń birinshi kýrs stýdenti Núkpı Ábilqaıyr ustalǵan. Konsýl azamatymyzǵa bardy, onyń densaýlyq jaı-kúıi turaqty, oń qolynyń shyntaǵynda ustaý kezinde qulaǵat sátte alǵan azdaǵan jaraqaty bar. Ustalý jaǵdaıyna eshqandaı shaǵymy joq», - dep atap ótken edi mınıstrlikten.

Buǵan deıin Qazaqstannyń Gonkongtegi Bas konsýldyǵy Gonkongtegi (QHR) jaǵdaıdyń shıelenisýine jáne jappaı narazylyq aktsııalarynyń jalǵasýyna baılanysty elimizdiń azamattaryna qalada qalyptasqan tótenshe jaǵdaıdy eskerýdi ótingen bolatyn.

Buǵan qosa QR Syrtqy ister mınıstrliginiń resmı ókili Aıbek Smadııarov sol jaqtaǵy qazaqstandyq stýdentterdi elge oralýǵa shaqyrǵan edi.

Bizdiń kanalymyzǵa jazylyńyz:

#Qytaı   #Týrızm   #QR SІM  
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT