Jańalyqtar  >
Syrdarııa ózeniniń saǵasyn qalpyna keltirý jumysy 2023 jyly bastalady
2022 jylǵy 10 tamyz 14:35

Syrdarııa ózeniniń saǵasyn qalpyna keltirý jumysy 2023 jyly bastalady

NUR-SULTAN. QazAqparat – Syrdarııa ózeniniń saǵasyn qalpyna keltirý jumysy 2023 jyly bastalady. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Búgingi kúni Syrdarııa ózeniniń arnasyn retteý jáne Aral teńiziniń soltústik bóligin saqtaý jónindegi jobanyń birinshi kezeńi (SARATS-1) aıasynda salynǵan Kókaral bógeti qaıta jańartýdy talap etedi. Sý kólemi 27 mlrd tekshe metr bolatyn shaǵyn Aral teńiziniń bir oblysta ǵana emes, áleýmettik-ekonomıkalyq damýǵa aıtarlyqtaı áser etetinin eskere otyryp, Memleket basshysy 2019 jyly Úkimetke shaǵyn Araldy saqtaý boıynsha is-sharalar qabyldaýdy tapsyrdy», - dep atap ótedi Úkimet basshysy jaýabynda.

Premer-Mınıstr bul másele Úkimettiń baqylaýynda turǵanyn basa aıtady.

«Osyǵan baılanysty, 2020 jyly «Kókaral bógetin saqtaý jáne Syrdarııa ózeniniń saǵasyn qalpyna keltirý» jobasynyń jobalaý-smetalyq qujattamasyn ázirleýge respýblıkalyq bıýdjetten 100,5 mln teńge bólindi. Búgingi tańda jobalyq-smetalyq qujattama ázirlendi. Jobanyń JSQ-syna memlekettik saraptama qorytyndysy osy jyldyń qyrkúıek aıynda shyǵýy kerek. Qurylys-montaj jumystaryn 2023 jyly bastaý josparlanyp otyr», - dedi Álıhan Smaıylov.


Ashyq kózderden alynǵan foto


Uqsas jańalyqtar
Seriktester jańalyqtary

Jańalyqtar

Úrdis

MURAǴAT