+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Syr óńiriniń folklorlyq antologııasynyń» birinshi tomy jaryqqa shyqty

2021 jylǵy 27 qyrkúıek 22:23
Bólisińiz:
«Syr óńiriniń folklorlyq antologııasynyń» birinshi tomy jaryqqa shyqty

QYZYLORDA. QazAqparat - Qyzylorda oblysynda «Syr óńiriniń folklorlyq antologııasynyń» birinshi tomy jaryqqa shyqty, dep habarlaıdy QazAqparat tilshisi.

Uqsas jańalyqtar

Oblys ákimi Gúlshara Ábdiqalyqova Qorqyt ata atyndaǵy Qyzylorda ýnıversıtetiniń «Qorqyttaný jáne ólke tarıhy» ǵylymı-zertteý ınstıtýtynyń dırektory, fılologııa ǵylymdarynyń doktory, professor Baǵdat Káribozulymen kezdesti.

Jıynǵa oblys ákiminiń orynbasary Serik Ahmet, oblystyq mádenıet, arhıvter jáne qujattama basqarmasynyń basshysy Asqarbek Esjanov qatysty.

Basqosýda Baǵdat Káribozuly «Syr óńiriniń folklorlyq antologııasyn» shyǵarýdaǵy negizgi ustanym men qundy eńbektiń ereksheligin tilge tıek ettti.

Oblys basshysyna antologııanyń birinshi tomy «Janqoja batyr» jınaǵyn tanystyrdy.

Aıtý kerek, antologııa Tuńǵysh Prezıdent N.Á.Nazarbaevtyń «Uly dalanyń jeti qyry» maqalasynyń «Dala folklory men mýzykasynyń myń jyly» jobasyn júzege asyrý maqsatynda qolǵa alyndy.

ıAǵnı halyq aýyz ádebıetiniń tańdaýly úlgileri - Syr boıyndaǵy ańyz áńgimeler, shejire, batyrlar jyry, qıssa-dastandardyń el aýzyndaǵy nusqalary jınaqtalyp, «Syr óńiriniń folklorlyq antologııasy» atty úsh tomdyq jınaǵyn shyǵarý ıdeıasynan týyndady.

Jıynda oblys ákimi Gúlshara Ábdiqalyqova qundy eńbek rýhanı-mádenı baǵyttaǵy irgeli izdenisti odan ári damytyp, jastardyń ulttyq ónerdi boıyna sińire otyryp, tanyp bilýine zor yqpalyn tıgizetinine senim bildirdi.

«Jınaqqa Janqoja batyr týraly tyń tarıhı derekter men batyrǵa arnalǵan tarıhı jyrlar engizilgen. Onyń ishinde Musabaı jyraý, Luqpan Kenjeǵululy, Qarman Sultanuly, Jekeı Shańǵytbaıuly, Ornyqbaı Sultanovtardyń buryn baspa betinde jarııalanbaǵan jyr nusqalarynyń enýi úlken qundy eńbek retinde tarıhta qalady. Sondyqtan da atalǵan batyrlar jyrynyń halyqqa, keler urpaqqa el tarıhyn tanyp-bilýde mańyzdylyǵy erekshe dep oılaımyn. Bul el tarıhyndaǵy aıtýly jyl - el Táýelsizdiginiń 30 jyldyǵyna arnalǵan úlken tartý bolyp otyr. Eldiń eńsesin kóterip, ulttyq rýh beretin qundy jınaqtyń shyǵýy Syr halqy úshin úlken mereı, zor qýanysh jáne rýhanı úlken qazyna, qundy mura bolary sózsiz. Atalǵan jınaqty barsha oqyrman qaýym ystyq yqylaspen qabyldaıdy dep sanaımyn», - dedi Gúlshara Ábdiqalyqova.

Aldaǵy aptada «Janqoja batyr» jınaǵynyń tusaýkeseri ótedi. Myń danamen shyǵarylǵan kitap oblystaǵy 239 kitaphanaǵa taratylady.

Professor aldaǵy ýaqytta antologııanyń ekinshi tomyna Syr eli týraly ańyz-áńgimeler men túrli oqıǵalar jınaqtalsa, úshinshi tomyna dastandar men qıssalar toptastyrylatynyn jetkizdi.

Eske salsaq, budan buryn Qyzylordada Kete Júsipke arnalǵan jyraýlar baıqaýy ótken bolatyn.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT