+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Sybaılas jemqorlyqqa qarsy is-qımyl máseleleri jónindegi komıssııanyń kezekti otyrysy ótti

2020 jylǵy 22 qazan 19:31
Bólisińiz:
Sybaılas jemqorlyqqa qarsy is-qımyl máseleleri jónindegi komıssııanyń kezekti otyrysy ótti

NUR-SULTAN. QazAqparat - Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen beıne konferentsııa baılanysy rejıminde Qazaqstan Respýblıkasy Prezıdentiniń janyndaǵy Sybaılas jemqorlyqqa qarsy is-qımyl máseleleri jónindegi komıssııanyń kezekti otyrysy ótti, dep habarlaıdy Aqordanyń baspasóz qyzmeti.

Uqsas jańalyqtar
Saıram aýdanynda aýyl ákimdiginiń keńsesi «Adaldyq alańyna» aınaldy Qazaqstannyń barlyq aýdandarynda servıstik ákimdik ashylady - agenttik 33 mln teńge para alǵan ákim orynbasary 73,4 mln teńge aıyppul tóleıdi

Otyrysta «Kvazımemlekettik sektordyń iri ınfraqurylymdyq kompanııalarynyń memlekettik resýrstardy paıdalaný tıimdiligi týraly» másele qaraldy.

Memleket basshysy «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda memlekettik organdarda da, kvazımemlekettik sektorda da sybaılas jemqorlyq faktorlaryn anyqtaýǵa erekshe nazar aýdarýdy tapsyrdy.

Sybaılas jemqorlyqqa qarsy is-qımyl jónindegi sharalar aıasynda memlekettik fýnktsııalardyń bir bóligin kvazımemlekettik sektorǵa berý máselesine erekshe nazar aýdaryldy. Osyǵan sáıkes kóptegen kvazımemlekettik kompanııalar taza ekonomıkalyq mindetterdi ǵana emes, sondaı-aq, servıstik, azamattardy qosymsha qamtamasyz etý jáne ekonomıka máselelerin de sheshýge jumyldyrylǵan.

Bul rette aldaǵy kezeńge qoıylǵan mindetter qatarynda: korporatıvtik basqarýdy jaqsartý; ónimsiz shyǵyndardy, enshiles kompanııalar men shtattyq sandy qysqartý; qoǵamnyń ashyqtyǵy men eseptiligin arttyrý; sybaılas jemqorlyqqa jol bergen adamdardy jumysqa qabyldaýǵa tyıym salýdy engizý sııaqty is-sharalar arnaıy atap ótilgen.

Jıynda ýákiletti jáne quqyq qorǵaý organdary júrgizgen tekserý nátıjeleri boıynsha kvazımemlekettik sektor kompanııalarynda anyqtalǵan qordalanǵan máseleler egjeı-tegjeıli talqylandy. Atap aıtqanda, aktsıonerlik kompanııalar basshylyǵynyń nazary aktıvterdi paıdalaný kezinde tıisti dárejede baqylamaý faktilerine jol berýge jáne olardy basqarýda júıeli problemalarǵa, ásirese, tabıǵı monopolııalar sýbektileriniń azamattar men kásipkerlerge qyzmet kórsetý barysynda sybaılas jemqorlyqtyń aldyn alý jónindegi jumystyń keri nátıjelerine aýdaryldy.

Atalǵan máselelermen qatar, qarjy tártibindegi anyqtalǵan zań buzýshylyqtarǵa yqpal etken sebepter men jaǵdaılardy joıý jónindegi usynystardy iske asyrýǵa mán bere otyryp, Esep komıteti júrgizgen aýdıtorlyq tekserýlerdiń nátıjeleri talqylandy.

Otyrys qorytyndysy boıynsha Memlekettik hatshy Qyrymbek Kósherbaev qarastyrylǵan máseleler boıynsha naqty tapsyrmalar berdi. Olardyń oryndalý barysy baqylaýǵa alyndy.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT