+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Sybaılas jemqorlyqqa qarsy agenttik «Parasatty otbasy» baıqaýyn jarııalady

2019 jylǵy 17 qazan 11:50
Bólisińiz:
Sybaılas jemqorlyqqa qarsy agenttik «Parasatty otbasy» baıqaýyn jarııalady

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi «Parasatty otbasy» respýblıkalyq baıqaýyn jarııalady, dep habarlaıdy QazAqparat tilshisi.

«Baıqaý «Adaldyq alańy» respýblıkalyq jobalyq keńsesi aıasynda parasatty otbasy qundylyqtaryn nasıhattaý, otbasyndaǵy baýyrmaldyq, qaıyrymdylyq, dostyq qarym-qatynasty qalyptastyrý, parasatty tulǵany damytý, qaıyrymdy oqýshyny anyqtaý maqsatynda ótkiziledi. Baıqaý qatysýshylarynyń sybaılas jemqorlyqqa qarsy mádenıeti men azamattyq ustanymdaryna mán beriledi. Sondaı-aq, balalary qoǵamdyq is-sharalarǵa belsene qatysatyn, sport nemese ónermen shuǵyldanatyn, ata-ana tárbıesin qoǵamdyq ómirde kórsete alatyn, kóptegen ádebı-pýblıtsıstıkalyq ádebıetterden habardar bolýy tıis», - dedi «Adaldyq alańy» jobalyq keńsesiniń jetekshisi Mıras Qarǵabaı QR Sybaılas jemqorlyqqa qarsy is-qımyl agenttiginde ótken baspasóz máslıhatynda.

Onyń aıtýynsha, baıqaý eki kezeńnen quralǵan. Birinshi – aýdandyq (qalalyq) kezeńinde qatysýshylar «Otbasymnyń tarıhy» taqyrybynda óz ata-babalary, otbasy tarıhy týraly zertteý jumystaryn ázirleıdi.

Baıqaýdyń ekinshi – oblystyq kezeńinde qatysýshylar «Meniń otbasym» atty beınerolık ázirleýi tıis. Beınesıýjet arqyly saıysker otbasynyń eńbektegi, oqýdaǵy jetistikteri, ádet-ǵuryp, jón-joralǵylarǵa qanshalyqty mán berip, bos ýaqyttaryn qalaı ótkizetindigi jaıynda málimetter usynýy qajet.

«Beınerolıkti «Otbasy shyǵarmashylyǵy», «Otbasylyq týrızm», «Urpaqtar esteligi», «Otbasylyq bastama» baǵyttarynda ázirleýge bolady. Baıqaý qorytyndysynda, qazylar alqasy úzdik dep tanylǵan januıalardy «Parasatty otbasy», «Kóptildi otbasy», «Úzdik oqyrman otbasy», «Zııatker otbasy», «Shyǵarmashyl otbasy», «Sheberler otbasy», «Ónerli otbasy», «Jomart otbasy», «Saıahatshy otbasy» nomınatsııalary boıynsha anyqtaıdy», - dedi spıker.

Jeńimpazdar І, ІІ jáne ІІІ oryndar jáne baǵaly syılyqtarmen marapattalady. Respýblıkalyq kezeńge ótken otbasylar Agenttik uıymdastyratyn Sybaılas jemqorlyqqa qarsy kúres kúnine arnalǵan merekelik sharada marapattalady.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT