Suıytylǵan munaı gazyn satyp alý kelisimsharttary qaıta qaralyp jatyr
2022 jylǵy 7 qańtar 17:25

Suıytylǵan munaı gazyn satyp alý kelisimsharttary qaıta qaralyp jatyr

NUR-SULTAN. QazAqparat – El aýmaǵynda terrorlyq qaýiptiń shekti «qyzyl» deńgeıi engizilýine baılanysty Básekelestikti qorǵaý jáne damytý agenttigi áleýmettik mańyzy bar azyq-túlik baǵasyn kúndelikti baqylaýyna aldy, dep habarlaıdy QazAqparat tilshisi.

«QR Básekelestikti qorǵaý jáne damytý agenttigi Energetıka mınıstrligi jáne «Qazmunaıgaz» ulttyq kompanııasymen birlesip eldegi suıytylǵan munaı gazynyń shekti baǵasyn turaqtandyrý jumysyn atqaryp jatyr.

Baǵany shekteý týraly buıryq qabyldanǵanǵa deıingi kóterme baǵamen gaz satyp alǵan kásipkerler shyǵynǵa batpaý úshin jasalǵan kelisimsharttar qaıta qaralý kerektigi resmı túrde habarlandy.

Agenttik kásipkerlerdi memleket bekitken baǵany saqtap, gaz bosatý kólemin shekteýmeý sharttaryn buljytpaı oryndaýǵa shaqyrady», - dedi delingen agenttiktiń resmı málimetinde.


Jańalyqtar

MURAǴAT