Suıytylǵan gazdy elektrondy alańda satý bir jylǵa shegerildi
2022 jylǵy 12 qańtar 12:41

Suıytylǵan gazdy elektrondy alańda satý bir jylǵa shegerildi

NUR-SULTAN. QazAqparat – Suıytylǵan gazdy elektrondy alańda satý bir jylǵa shegerildi. QR Energetıka mınıstri Bolat Aqsholaqov Úkimet otyrysynda osy másele boıynsha vedomsvtonyń tıisti buıryǵy shyqqanyn málim etti, dep habarlaıdy QazAqparat tilshisi.

«Suıytylǵan gaz naryǵyndaǵy jaǵdaıdy tolyq baqylaýdy qamtamasyz etý maqsatynda mynadaı jedel sharalar qabyldandy:

Suıytylǵan munaı gazyna ýaqytsha memlekettik baǵa retteý engizildi jáne lıtr úshin 50-75 teńge dıapazonynda bólshek saýda baǵasy bekitildi», - degen mınıstr saladaǵy túsiniksizdikterdi retteý úshin vedomstvonyń 2 mańyzdy buıryǵy bekitilgenin eske saldy. Olar:

1) 2023 jylǵy 1 qańtarǵa deıin saýda-sattyq qaǵıdalaryn toqtata turý boıynsha buıryq, oǵan sáıkes Energetıka mınıstrligi suıytylǵan gazdy elektrondyq saýda-sattyqtan tys ótkizetin bolady;

2) Básekelestikti qorǵaý jáne damytý agenttigi bekitken bólshek saýdadaǵy shekti baǵalarǵa sáıkes keltirý úshin suıytylǵan munaı gazynyń shekti kóterme baǵasyn tómendetý jónindegi buıryq.

«Sondaı-aq, búgingi kúni elektrondyq saýda alańdarynan tys ishki naryqqa suıytylǵan gazdy jetkizý josparyn qalyptastyrý qaǵıdalaryna túzetýler engizý boıynsha buıryq ázirlendi», - dedi Bolat Aqsholaqov.


Jańalyqtar

MURAǴAT