+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Súttiń ornyna sháı beredi: Almaty balabaqshalarynda qandaı talaptar buzylǵan

2019 jylǵy 19 qarasha 14:30
Bólisińiz:
Súttiń ornyna sháı beredi: Almaty balabaqshalarynda qandaı talaptar buzylǵan

ALMATY. QazAqparat – Almaty qalalyq Taýarlar men kórsetiletin qyzmetterdiń sapasy men qaýipsizdigin baqylaý departamentine jeke tulǵalardan zańsyz jumys istep jatqan jeke balabaqshalarǵa qatysty 22 shaǵym tústi. QazAqparat bul týraly departamenttiń baspasóz qyzmetine silteme jasap habarlaıdy.

Uqsas jańalyqtar
Jeńis Qasymbek óńirdegi balabaqsha máselesin sheshýdi tapsyrdy Almatyda balaǵa dórekilik tanytyp, julqylaǵan tárbıeshige sot úkimi shyqty Ekpe almaǵan balalardy balabaqshaǵa kirgizbeıdi – Bekshın

Almatydaǵy 25 555 balany mektepke deıingi mekememen qamtamasyz etip otyrǵan 509 jekemenshik balabaqsha Almaty qalalyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń qadaǵalaýynda. Onyń 366-sy (18816 bala) «Balapan» baǵdarlamasy boıynsha jumys isteıdi.

«Balabaqshalarda jıi oryn alatyn zań buzýshylyqtarǵa toqtalar bolsaq: toptardyń jáne aýmaqtardyń talapqa saı bolmaýy, balalardyń tamaqtaný normalarynyń buzylýy. Kóp jaǵdaıda ázirlengen tamaqtar bekitilgen mázirge sáıkes kelmeı jatady. Mysaly, mázirde et qosylǵan qyryqqabat oramdary bolsa, is júzinde kúrish botqasyn beredi. Súttiń ornyna sháı usynady. Sonymen qatar azyq-túlik sapasyn rastaıtyn qujattary bolmaı jatady»,–dedi departament basshysy Aızat Moldaǵasymova

Mamandar túsken shaǵymdar boıynsha, mektepke deıingi 9 mekemeni tekserdi. Nátıjesinde, 7 balabaqshada zań buzýshylyqtar anyqtaldy. Olardyń barlyǵyna zań talaptary týraly jazbasha túsinikteme berildi. Anyqtalǵan faktiler boıynsha 752 700 teńge somasyna 7 aıyppul salynyp, olardy joıý týraly nusqamalar taratyldy. Sondaı–aq balabaqshada jeke medıtsınalyq kitapshasyz jumys istep jatqan 3 qyzmetker jumystan shettetildi. Bir materıal sotqa jiberildi.

«Ata-ana balasy baryp júrgen balabaqshanyń tamaǵyna, oıyn alandaryna, tósek-oryn jabdyqtaryna nazar aýdarý qajet. Eger talapqa saı bolmaı jatsa, olar Almatydaǵy Taýarlar men kórsetiletin qyzmetterdiń sapasy men qaýipsizdigin baqylaý departamentine júgine alady», - dep qorytyndylady Aızat Moldaǵasymova.

Bizdiń kanalymyzǵa jazylyńyz:

Basty sózder: Almaty, Ákimdik, Aımaq,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT