+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

«Super Qyz» kitaby tanymal tulǵalardyń ómir joly men qyz-kelinshekterdi tolǵandyrǵan taqyryptar týraly

2020 jylǵy 9 tamyz 20:06
Bólisińiz:
«Super  Qyz» kitaby tanymal tulǵalardyń ómir joly men qyz-kelinshekterdi tolǵandyrǵan  taqyryptar týraly

NUR-SULTAN. QazAqparat - Názıpa Quljanova, Farıza Ońǵarsynova, Bıbigúl Tólegenova, Aqqaǵaz Dosjanova. Óz ónerimen, darynymen halqynyń yqylasyna bólenip, artynda óshpes iz qaldyrǵan bul esimder qalyń kópshilikke keńinen tanymal.

Uqsas jańalyqtar
Qazaqstanda jyldyń úzdik hokkeıshisi anyqtaldy Almaty metrosy karantınge deıingi jumys kestesine oraldy Murat Ábenov: Ekologııa - bir ǵana mekemege júktelgen mindet emes

Jalpy, qazaq qoǵamynda el damýyna eleýli úles qosqan názik jandar az emes. Olar óner, bilim, tájirıbesi keıingi urpaqqa úlgi-nege bolyp qala beredi. Joǵaryda esimderi atalǵandardan basqa qansha qyz-kelinshekti tanısyz? Olar qandaı eńbek sińirip, ómir joly arqyly neni nasıhattaıdy? «SuperQyz» kitabynda osy týraly aıtylady. Kitap avtory Dınara Shaıjúnisova osy kitapta ártúrli salada jetistikke jetip, qıyndyq ataýlyny jeńgen 50 qazaqstandyq áıeldiń oqıǵasy baıandalatynyn aıtty. «QazAqparat» tilshisi elimizdegi úlgi tutar áıelder týraly tolyǵyraq bilýdi usynady.

«Úsh balanyń anasy retinde meni áıelderdiń ártúrli qabiletin damytyp, júzege asyrý týraly oılar mazalaıtyn. Tehnologııa damyǵan, jahandaný zamanynda áıelderdiń róli de ózgerip barady. Qazirgi ýaqytta áıel – bolashaq urpaqtyń anasy, otbasy, oshaq qasynda júretin adam ǵana emes, ol – jumysshy, basshy, kásipker, qoǵam qaıratkeri. Qazaq halqy ejelden qyz tárbıesine mán berip, «Ulyńdy tárbıelegeniń – bolashaq er adamdy tárbıelegeniń, qyzyńdy tárbıeleseń – tutastaı ultyńdy tárbıelegeniń» dep aıtady. Qyz balany kishkentaı kezinen bastap tolyqqandy tulǵa bolyp qalyptasýǵa tárbıeleý kerek. Shetel ádebıetin egjeı-tegjeıli zertteı kele, men jáne meniń tobym Qazaqstannyń jetistikke jetken áıelderi týraly «SuperQyz» dep atalatyn antologııany shyǵardyq. Onda qyz-kelinshekterdi shabyttandyratyn áńgimeler jazylǵan», - deıdi Dınara Shaıjúnisova.

Kitap avtory atap ótkendeı, jumys toby kitapty shyǵarmas buryn álemdik naryqty saralap, keıipkerler sany qansha bolatynyn, neshe bólimnen turatynyn, kitapty kim oqyp, ol arqyly ne jetkizgisi keletinderine deıin anyqtap alǵan.

«Odan keıin kitap ataýyn qoıýǵa kiristik. Kitap ataýy oqyrmandardyń júregine jol tapqanyn qaladyq. Kitap keıipkerlerin tańdaý barysynda olardyń Otan aldynda qandaı qyzmet atqaryp, óner, bilim, sport, densaýlyq saqtaý, ǵylym, bıznes jáne basqa salalarda álemdik deńgeıde qandaı jetistikke jetkenderine basa nazar aýdardyq», - deıdi kitap avtory.

Onyń aıtýynsha, kitaptaǵy áńgimeler ashyq derekkóz, entsıklopedııa mátini, basylym betindegi materıaldar negizinde jasalǵan. Keıipkerlerdiń portretin álemge tanymal 37 sýretshi-ıllıýstratorlar salǵan.

«Ár keıipkerdi jeke ıllıýstrator saldy. Osylaı etý arqyly biz tulǵanyń jeke-dara ereksheligin kórsetkimiz keldi», - deıdi ol.

Kitapty shyǵarý barysynda 8 adam jumys istegen. Kitaptyń strategııalyq redaktory Dınara Shaıjúnisova, shyǵarýshy - Laýra Sabanbaeva, redaktor ári suhbat alýshy - Saltanat Dármenshıeva, qosymsha avtorlary Zemfıra Erjan men Lılıa Kalaýs bolǵan. Sondaı-aq, top quramyna Azamat Bojakov, Láı̆la Qabpasova jáne Aı̆ymgúl Orynbaeva kiredi.

«Kitap oqyrman qaýymǵa jańa esimderdi tanystyrý úshin shyǵaryldy. Mysaly, elimizdegi tuńǵysh teńizshi – Janar Ibraeva, Everest shyńyn baǵyndyrýshy – Lıýdmıla Savına, búrkitshi qyz – Maqpal Ábdirazaqova. Kitap jaryqqa shyqqannan keıin Instagram-da tikeleı efırge shyǵyp, kitap keıipkerlerinen suhbat aldym. Olarmen áńgimelesý barysynda kitap keıipkerleri jan-jaqty, myqty, ómirge qushtar jandar ekenin túsinip, olardy kitap keıipkeri etip tańdaǵan kezde qatelespegenimizge kóz jetkize túsýdemin», - deıdi kitap avtory.

Ol kitaptaǵy keıipkerler qyz-kelinshekterdi myqty, aqyldy, dana bolýǵa baýlyp, jańa belesti baǵyndyrǵan kezde alǵa jańa maqsat qoıa bilýge úıretedi.

«Balalarymdy tárbıelegen kezde men óz kúshińmen bárine qol jetkizýge bolatynyn uǵyndyrǵym keledi. Qyzdarym óz ómiriniń basty keıipkeri ózi ekenin túsingenin qalaımyn. Sol sebepti de Qazaqstandaǵy myqty, talantty áıelder týraly kitap shyǵardyq», - deıdi Dınara Shaıjúnisova.

Ol kitap shyǵarý barysynda 6-7 jastan asqan aýdıtorııany kózdegenin aıtty.

«Biz balalarǵa oqýǵa yńǵaıly mátin jazǵymyz keldi. Jalpy alǵanda kitap balalar men onyń ata-analaryna arnalǵan. Bul kitap kishkentaı qyz úshin de, ana úshin de, áje úshin de qyzyq bolady dep oılaımyz. Qazaqstan turǵyndarynyń 52%-y – áıelder. Zertteý jumystary kórsetkendeı, kitapty satyp alatyndar jáne oqıtyndardyń kóbi – áıelder. Degenmen kitap er adamdardyń da qyzyǵýshylyǵyn týdyrǵanyn qalaımyz, sebebi árkimniń qyzy, ápkesi, anasy, ájesi bar», - deıdi ol.

Kitaptyń basty maqsaty – qyzdarǵa aldyǵa maqsat qoıyp, oǵan jetýdi úıretý jáne emotsııa, sezimderin basqaryp úıretý. Sondyqtan kitapta emotsııa ıntellektisine qatysty jattyǵýlar bar. Kitapty jetistikke jetken 49 áıeldiń ómir joly baıandalǵan, 50-shy oqıǵa kitapty oqyp otyrǵan qyz týraly bolmaq, sol sebepti oǵan arnaıy bet arnalǵan. Ol jerge óz oqıǵańdy jazyp, sýretińdi salýǵa bolady.

Sondaı-aq, Dınara Shaıjúnisova kitaptyń redaktory ári alǵashqy oqyrmany boldy.

«Tuńǵyshym Alına kitaptaǵy áńgimelerdi oqyp, pikirin aıtyp, maǵan kómektesti. Joldasym da kitap shyǵarý barysynda belsendi kómektesip, qoldaý bildirdi. Ár qyzymnyń shabyttana oqıtyn óz keıipkerleri bar», - deıdi joba avtory.

Ol áńgimesinde kitap jazý barysynda nege basqa emes, osy taqyrypty tańdap alǵany týraly oıyn aıtty.

«Otbasy – oshaq qasynda júrgen kezde daralyǵyńdy saqtap qalý qıyn. Óz maqsatyńa umtylyp, ózińdi joǵaltyp almaý – mańyzdy. Qazirgi ýaqytta jasósipirimder áleýmettik jelide myńdaǵan lúpil jınap otyrǵan adamdardy úlgi tutady. Eń bastysy – ózińniń kim bolǵyń keletinin, ne qalaıtynyńdy túsinip alý», - deıdi ol.

Suhbat sońynda úsh qyzdyń anasy, joba avtory Dınara Shaıjúnisova bolashaq josparymen bólisti.

«Kelesi joly er balalarǵa arnalǵan dál osyndaı kitap shyǵarǵymyz keledi. Elimizdegi er balalarda da úlgi tutatyn azamattar bolsyn», - deıdi joba avtory.


Bizdiń kanalymyzǵa jazylyńyz:

#Bilim   #Mádenıet   #Qoǵam  
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT