Sý dobynan álem chempıonatynda Qazaqstan Brazılııadan basym tústi
2022 jylǵy 23 maýsym 05:29

Sý dobynan álem chempıonatynda Qazaqstan Brazılııadan basym tústi

NUR-SULTAN. QazAqparat - Sý dobynan álem chempıonatynda Qazaqstan áıelder quramasy Brazılııadan basym tústi, dep habarlaıdy QazAqparat tilshisi.

Dúbirli doda Vengrııa astanasy Býdapesht qalasynda ótip jatqan sý sporty túrlerinen álem chempıonaty aıasynda suıymdastyrylýda.

Elimizdiń áıelder quramasy D tobynda Avstralııa, Jańa Zelandııa jáne Brazılııamen sheberlik baıqasýda.

Búgingi kezdesýde qazaqstandyq sportshylar jınaqy qımyl kórsetti. Nátıjesinde qarsylasyn 10:6 esebimen tize búktirdi. Bul toptaǵy Avstralııa Jańa Zelandııadan 11:2 esebimen basym tústi.

Qazaqstandyq qyzdar alǵashqy kezdesýinde Avstralııadan 6:19 esebimen jeńilip qaldy. Endi olar 24 maýsymda Jańa Zelandııamen oınaıdy.

Sondaı-aq, álem chempıonatynda D tobynda elimizdiń erler quramasy Avstralııa, Serbııa, AQSh quramalary synǵa túsip jatyr.

Jigitter alǵashqy kezdesýinde Avstralııaǵa 4:10 esebimen ese jiberip qoıdy. Endi el quramasy 23 maýsymda AQSh-pen kezdesse, 25 maýsymda Serbııaǵa qarsy shyǵady.

Eske salsaq, budan buryn fýtboldan el birinshiliginde oıynshylardyń jazǵy transferlik merzimi bekitildi .


Uqsas jańalyqtar
Seriktester jańalyqtary

Jańalyqtar

Úrdis

MURAǴAT