Sý basý qaýpi bar respýblıkalyq joldarda táýlik boıy kezekshilik uıymdastyryldy
2023 jylǵy 2 aqpan, 17:12
ASTANA. QazAqparat – Respýblıkalyq joldardaǵy sý basý qaýpi bar ýchaskelerde táýlik boıy kezekshilik jáne patrýldeý uıymdastyryldy. Bul týraly QazAqparat QazAvtoJolǵa silteme jasap habarlaıdy.
«Qabyldanǵan is-sharalar kesheni respýblıkalyq mańyzy bar avtojoldarda qaýipsiz qozǵalysty, sondaı-aq jasandy qurylystardyń saqtalýyn qamtamasyz etýge baǵyttalǵan. Jergilikti gıdrometeorologııalyq jaǵdaılardy eskere otyryp, sý tasqynyna qarsy is-sharalar kesheni ázirlendi. Merdiger uıymdar men jol qyzmetterine sý basý qaýpin aldyn alý boıynsha naqty tapsyrmalar berildi. Ótken jyldardaǵy sý tasqyny kezeńiniń nátıjelerine sáıkes sý basý qaýpi joǵary respýblıkalyq avtojoldardyń ýchaskeleri anyqtaldy», - delingen habarlamada.
Qazirgi ýaqytta 350-den astam qaýipti ýchaske erekshe baqylaýda. Respýblıkalyq mańyzy bar avtojoldar ashyq jáne sý basyp, shaıylyp ketken ýchaskeler joq.
Foto: facebook.com/kazautozhol
Tegı:
Sondaı-aq... oqyńyz
Seriktester jańalyqtary
TOP
