+7 (701) 759 90 19
USD 376.42 EUR 417.41
RUB 6.09 CNY 54.54
Jańalyqtar

Stýdentterge volonterlik qyzmettiń ár saǵaty úshin 1 myń teńgeden tólenedi

2019 jylǵy 13 jeltoqsan 16:04
Bólisińiz:
Stýdentterge volonterlik qyzmettiń ár saǵaty úshin 1 myń teńgeden tólenedi

NUR-SULTAN. QazAqparat – QR Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy Madııar Qojahmet Qazaqstanda volonterlikti qoldaý baǵytyndaǵy aýqymdy jumystardyń josparymen bólisti, dep habarlaıdy QazAqparat tilshisi.

Uqsas jańalyqtar
Aqtaýda týrısterge volonterler kómek kórsetedi Pavlodardaǵy Buqar jyraý mýzeıi volonterlerdi jádiger jınaýǵa jumyldyrmaq Qazaqstanda volonterlik qozǵalysqa 50 myńnan astam adam tartylǵan - Álııa Ǵalymova

«Volonterler jylyna baılanysty jalpy eriktiler jumysyna degen qyzyǵýshylyqty arttyrý josparlanǵan. Birshama usynys ta túsip jatyr. Atap aıtqanda, bıyl «Áleýmettik stýdenttik nesıe» atty jobasyn bastadyq. Ol boıynsha stýdent jastarǵa volonterlik qyzmettiń ár saǵaty úshin 1 000 teńgeden tólenedi. Olar osy somany oqý qajettiligine jumsap, bazalyq shyǵyndaryn óteı alady», - dedi Madııar Qojahmet OKQ-da ótken baspasóz máslıhatynda.

Onyń aıtýynsha, volonterlik qyzmettiń ár saǵaty úshin tólenetin qarajat respýblıkalyq bıýdjetke engizilip qoıǵan.

«Operator – Bilim jáne ǵylym mınıstrligi. Qazvolunteer.kz saıty bar. Atalǵan saıtta volonterlik qyzmet kórsetýge nıeti bar jastar tirkeledi. Qazir JOO stýdentteri tirkelip jatyr. Biraq, kelesi jyly protsesske kolledj stýdentteri de tartylar degen úmittemiz», - dedi ol.

Komıtet tóraǵasynyń aıtýyna qaraǵanda, budan buryn aıtylǵandaı, volonterlik qyzmet merzimin eńbek kitapshasyna engizý jumysy da pysyqtalý ústinde.

«Bul – Eýropa elderinde keńinen taralǵan tájirıbe. Damyǵan elderde belsendi volonterlik qyzmet – qosymsha basymdyqqa ıe. Sonymen birge, Memleket basshysy óz sózinde volonterlikti damytýdyń jeti baǵytyn ataǵan edi. Osy baǵyttar aıasynda arnaıy jobalar jasalady. Máselen, «Qamqorlyq» jobasy aıasynda Jeńistiń 75 jyldyǵy qarsańynda volonterlerdi eskertkishterdi qalpyna keltirý isine tartý kózdelgen. Buǵan qosa arhıvterdi tsıfrlandyrý isiniń mańyzy alǵa shyqty. Bul baǵytta da volonterler toby jasaqtalady», - dedi ol.

Madııar Qojahmet óz sózinde reseılik mamandardyń qatysýymen volonterliktiń halyqaralyq keńesi qurylǵanyn aıtyp ótti.

«Jumys baǵyttaryn aıqyndap alý úshin reseılik áriptestermen aýqymdy úsh kezdesý uıymdastyrmaqpyz. Osydan 2 jyl buryn Reseıde «Eriktiler jyly» ótken bolatyn», - dedi ol.

Eske sala ketsek, Jastar jylynyń jabylý jáne Volonter jylynyń ashylý saltanatynda Memleket basshysy Qasym-Jomart Toqaev volonterlik jumystardyń negizgi baǵyttaryn ataǵan bolatyn. Óz kezeginde QR Aqparat jáne qoǵamdyq damý mınıstri Dáýren Abaev Qazaqstan óńirlerinde volonterlikti qoldaýǵa arnalǵan ortalyqtar ashylatynyn habarlaǵan edi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT