+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Stepnogorskide sheneýnikter tórt ret bıýdjet qarajatyn alaıaqtyq jolmen jymqyrǵan

2021 jylǵy 3 mamyr 18:45
Bólisińiz:
Stepnogorskide sheneýnikter tórt ret bıýdjet qarajatyn alaıaqtyq jolmen jymqyrǵan

KÓKShETAÝ. QazAqparat - Stepnogorsk qalasynda sybaılas jemqorlyq quqyq buzýshylyqtar sany azaımaı tur. Ótken jyly monoqalanyń sheneýnikteri. Bul týraly «Nur Otan» partııasynyń Aqmola oblystyq fılıaly janyndaǵy Partııalyq baqylaý komıssııasy men sybaılas jemqorlyqqa qarsy is-qımyl jónindegi Qoǵamdyq keńestiń kezekti otyrysynda talqylandy, dep habarlaıdy QazAqparat tilshisi.

Uqsas jańalyqtar
ShQO-da memlekettik mekeme esepshisi 2 mln teńge jymqyrǵan Aqmola oblysynyń ákimi Kóbeıtuzdy qorǵaýǵa qatysty pikir bildirdi Mańǵystaýda aýdan ákimdiginiń qyzmetkeri basshylaryn ıissýmen «satyp almaq» bolǵan - VIDEO

Jıynda Stepnogorsk qalasy ákiminiń orynbasary Nurlan Muqatov atap ótkendeı, qalalyq bilim bóliminde birden úsh esepshiniń sybaılas jemqorlyqqa qatysy bary anyqtalǵan.

Ótken jyldyń sońynda býhgalterge qatysty QR QK 190-baby 2-bóliginiń 3-tarmaǵy «adamnyń óziniń qyzmet babyn paıdalana otyryp alaıaqtyq jasaýy» boıynsha qylmystyq is qozǵaldy. Memleketke keltirilgen zalaldyń jalpy somasy 1 498 359 teńgeni qurady. Áıel zalaldy óteýge jáne tatýlasýǵa baılanysty qylmystyq jaýapkershilikten bosatyldy.

Bas býhgalterdiń orynbasary men esep aıyrysý bóliminiń basshysyna qatysty qylmystyq ister QR QK 189-baby 4-bóliginiń 2-tarmaǵy «qylmystyq top jasaǵan senip tapsyrylǵan bóten múlikti ıemdený nemese ysyrap etý» boıynsha qozǵaldy. Keltirilgen zalaldyń jalpy somasy shamamen 14 mln teńgeni qurady. Onyń bir bóligi memleketke qaıtaryldy.

«Sottyń 2021 jylǵy 1 naýryzdaǵy úkimimen áıelder kináli dep tanylyp, olarǵa memlekettik qyzmette qyzmet atqarý quqyǵynan ómir boıyna aıyra otyryp, jeti jyl bas bostandyǵynan aıyrý jazasy taǵaıyndaldy. Esep aıyrysý bóliminiń basshysy memleketke 7 954 617 teńgeni, al bas býhgalter - 2 848 866 teńgeni qaıtarýy tıis», - dedi Stepnogorsk qalasy ákiminiń orynbasary.

Jıynda aıtylǵandaı, sonymen birge, sybaılas jemqorlyq quqyq buzýshylyq Stepnogorsk qalasynyń ishki saıasat bóliminde de anyqtaldy. 2018 jyldyń shilde aıynda býhǵalterdiń áriptesterimen 2017-2018 jyldarǵa 397,66 myń teńge somasyndaǵy aqshalaı qarajatty negizsiz aýdarý boıynsha buzýshylyqtar anyqtaldy.

Stepnogorsk qalalyq sotynyń 2020 jylǵy 14 mamyrdaǵy úkimimen áıel kináli dep tanylyp, oǵan memlekettik qyzmette qyzmet atqarý quqyǵynan aıyra otyryp, múlkin tárkileýsiz eki jylǵa bas bostandyǵyn shekteý jazasy taǵaıyndaldy.

2020 jyly ishki saıasat bóliminde ótken revızııalyq tekserý 2016 jyldyń shildesinen 2017 jyldyń tamyzyna deıin budan buryn da osy qyzmetker ózine 244 492 teńge mólsherinde artyq jalaqy aýdarǵanyn, bul rette áıel basqa adamdardyń ETsQ paıdalanǵanyn anyqtady.

Nátıjesinde zań buzýshyǵa QR QK 189-baby 3-bóliginiń 2-tarmaǵy (ysyrap etý) jáne QR QK 190-baby 2-bóliginiń 3-tarmaǵy (alaıaqtyq) qoldanystan shyǵaryldy. Stepnogorsk qalalyq sotynyń 2021 jylǵy 10 naýryzdaǵy úkimimen ol kináli dep tanyldy. Áıelge eki jylǵa bas bostandyǵynan aıyrý jazasy taǵaıyndaldy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT