Stepnogorsk qalasynda ıisshil ıttiń kómegimen úıge jasyrylǵan esirtki tabyldy
2022 jylǵy 28 mamyr 17:59

Stepnogorsk qalasynda ıisshil ıttiń kómegimen úıge jasyrylǵan esirtki tabyldy

NUR-SULTAN. QazAqparat – Stepnogorsk qalasynda ıisshil ıttiń kómegimen úıge jasyrylǵan esirtki tabyldy, dep habarlaıdy QazAqparat tilshisi.

Ulttyq ulannyń baspasóz qyzmetinen málim etkendeı, oqıǵa 27 mamyr kúni Aqmola oblysyna qarasty Stepnogorsk qalasynda boldy. Qalalyq polıtsııa basqarmasynan 3517-áskerı bólimine esirtki zatyn tabýǵa kómek suraǵan ótinish kelip túsken. Qala mańyndaǵy jeke úılerdiń birinde esirtki jasyrylǵan degen jedel aqparatqa sáıkes áskerı bólimnen kınolog maman, efreıtor Ǵalymjan Ótepbergenov «Mıranda» laqap aty bar ıisshil ıtimen attanady.

Úıdi tintý barysynda «Mıranda» bólmelerdiń birinde esirtki jasyrylǵan jerdi belgimen bildiredi. Nátıjesinde qyzmettik ıt kórsetken jerden jasyl tústi 6 paket tabyldy.

Ustalǵan úı ıesi odan ári mán-jaıdy anyqtaý úshin qalalyq polıtsııa basqarmasyna jetkizildi.

«Mıranda» – esitki zatyn tabýǵa úıretilgen qyzmettik ıt. Minezi jaqsy, oǵan oınaǵan jaǵady. Tipti bul qyzmetin oıyn retinde kóredi. Osyǵan deıin de ol áldeneshe ret esirtki tapqan. Bolashaqta ıisshildiginen jańylmaıtynyna senimdimin, – deıdi efreıtor Ǵalymjan Ótepbergenov.

Eske sala keteıik, budan buryn Aqtaýda joǵalyp ketken sarbazdyń úsh kúnnen keıin tabylǵanyn jazǵan bolatynbyz.


Jańalyqtar

MURAǴAT