+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Statı Nıý-Iork sotyna Qazaqstanǵa qarsy bergen aryzyn qaıtaryp aldy

2019 jylǵy 14 qarasha 15:56
Bólisińiz:
Statı Nıý-Iork sotyna Qazaqstanǵa qarsy bergen aryzyn qaıtaryp aldy

NUR-SULTAN. QazAqparat – Ádilet mınıstrligi 12 qarashada Anatol Statı, Gabrıel Statı, Ascom Group S.A. pen Terra Raf Trans Traiding Ltd. («Statı») Nıý-Iork sotynda Qazaqstan Respýblıkasyna qarsy aryzyn óz erikterimen qaıtaryp alǵanyn jarııa etti, dep habarlaıdy QazAqparat.

Statı aryzdy 2017 jyldyń maýsym aıynda bergen bolatyn. Osy talap-aryz boıynsha Statı Nıý-Iork sotynan Shved apellıatsııalyq sotynyń 2016 jyldyń jeltoqsanyndaǵy sheshimin oryndaýdy suraǵan. Statıdiń sotta eki shaǵymy boldy. Birinshisi - shamamen 500 mıllıon AQSh dollary kólemindegi tórelik sheshimdi oryndaý. Ekinshisi - Shvetsııadaǵy shamamen sot isine ketken 3,5 mln AQSh dollaryn alý», - dep habarlaıdy Ádilet mınıstrliginen.

Statıge jaýap retinde 2017 jyldyń qyrkúıeginde Qazaqstan Respýblıkasy Nıý-Iork sotynan isti zańdy turǵyda dep negizsiz tanyp, balama retinde isti toqtata turýdy surap, ótinish berdi. 2018 jyldyń qyrkúıeginde Nıý-Iork soty Vashıngtonda (Kolýmbııa okrýgi) Qazaqstan Respýblıkasynyń appelıatsııalyq óndirisine deıin sot protsesin toqtatty. 2019 jyldyń qazan aıynda Nıý-Iork soty Vashıngtonda apellıatsııalyq is júrgizý aıaqtalǵanyn eskere otyryp, taraptardyń isti qaraýdy jalǵastyrýǵa nıeti bar-joǵyn túsindirip, 2019 jyldyń 15 qarashasyna deıin birlesken hat jiberýdi buıyrǵan.

«Nıý-Iorkte Respýblıkany qoldaıtyn argýmentterdiń biri - Shvetsııadaǵy sheshimniń alaıaqtyq jolmen alynǵany edi. Іstiń mártebesi týraly birlesken hatta Respýblıka sottan Qazaqstannyń bul isti toqtatý týraly erterek ótinishin qaraýdy suramaq edi. Eger bul ótinish qabyldanbasa, Respýblıka ózin qorǵaý úshin Shvetsııadan alaıaqtyq jolmen alynǵan sheshimdi iske qosýdy josparlaǵan. Nátıjesinde, Qazaqstan Respýblıkasy Statıden aqparatty ashý quqyǵyn alar edi», - delingen Ádilet mınıstrliginiń habarlamasynda.

Statı óz kezeginde, sotqa istiń mártebesi týraly birlesken hatty talap etýdiń ornyna, onyń talaptaryn birjaqty túrde qabyldamaı qoıǵan. Osylaısha, ol Qazaqstan Respýblıkasynyń Nıý-Iork sotymen isti toqtatý týraly ótinishin qaraýyna qatysýdan, sondaı-aq Statıdiń alaıaqtyǵy týraly Qazaqstan Respýblıkasy kótergen sot isine qatysýdan jaltarǵan.

Budan buryn habarlanǵandaı, 2017 jyldyń maýsym aıynda Anglııanyń Joǵarǵy Soty 22 betten turatyn «arbıtrajdyq sheshimniń alaıaqtyq jolmen alynǵandyǵy týraly dáleldi dáleldemeler bar» degen negizdi qorytyndy baryn, sol sebepti bul másele jeke sot otyrysynda qaralýy kerek degen qorytyndy shyǵarǵan. Jaýap retinde Statı Anglııadaǵy tórelik sheshimdi oryndaý týraly óziniń talap-aryzyn qaıtaryp alǵan. Biraq, ol bul elde sot isin júrgizýdi eshqashan bastamaýǵa mindettelip, respýblıkaǵa mańyzdy sot shyǵyndaryn tóleıtin bolǵan.

Qazirgi ýaqytta Respýblıka Brıtısh, Nıderlandy jáne Lıýksembýrgti qosa alǵanda, birneshe ıýrısdıktsııalarda alaıaqtyq boıynsha sot isin júrgizýde. Respýblıka Statıdiń alaıaqtyq faktileri, sonyń ishinde Statıdiń burynǵy bas qarjy dırektory Artýr Lýngý myrzanyń jaýabyn usynyp otyr.

Ádilet mınıstrligi Nıý-Iork sotynyń qorytyndy qujatynyń kóshirmesin saıttarynda jarııalady.

Bizdiń kanalymyzǵa jazylyńyz:

Basty sózder: Sot, QR Ádilet mınıstrligi,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT