+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Statı isi Qazaqstannan aqsha óndirip alǵysy keletinderge sabaq bolady - mınıstr

2020 jylǵy 15 shilde 19:22
Bólisińiz:
Statı isi Qazaqstannan aqsha óndirip alǵysy keletinderge sabaq bolady - mınıstr

NUR-SULTAN. QazAqparat – Ádilet mınıstri Marat Beketaev «Statı isin jalǵastyrýdyń mańyzy bar ma?» deýshilerge «Jalǵastyrý kerek» dep jaýap beretinin aıtty, dep habarlaıdy QazAqparat tilshisi.

«Statı isi boıynsha sot isi áli bitken joq. Gollandııada ǵana emes, Statıdiń aqsha óndirip alý týraly ártúrli protsesteri jalǵasýda. Amsterdamdaǵy sheshimge keler bolsaq, sot keshe tıisti sheshim shyǵardy. Sotqa birneshe suraq qoıyldy. Keıbir sheshim Qazaqstannyń paıdasyna, keıbir sheshim Statıdiń paıdasyna sheshildi. Bul sheshim – aqsha óndirý protsesine alyp kelmeıtinin birden aıtqym keledi. ıAǵnı, Gollandııada buǵattalǵan múlikti bul sheshimniń negizinde satý múmkin emes. Ol úshin aldaǵy protsesssýaldyq sheshimder kerek», - dedi Marat Beketaev OKQ-da ótken baspasóz máslıhatynda.

Mınıstrdiń aıtýynsha kóp adam qazir «Statı isin jalǵastyrýdyń mańyzy bar ma?» degen suraq qoıyp jatqanyn aıtty.

«Meniń jaýabym – jalǵastyrý kerek! Óıtkeni bul másele bir istiń aınalasyndaǵy problema emes. Bul – Qazaqstannyń múlikterin qorǵaýdyń sharttaryn qalyptastyrý isi. Jaqsy úlgi ulttyq qor boıynsha Londonda qalyptasty. London soty ulttyq qorǵa eshkim qol suǵa almaıtyny týraly sheshim qabyldady. Mundaı sheshimdi shved soty da qabyldap, ulttyq qordyń derbes ımmýnıteti baryn moıyndady. Bul istiń sheshimi bir ǵana isti rettep qoımaı, Qazaqstannan birdeńe óndirip alýdy kózdeıtin adamdarǵa da sabaq bolady», - dedi ol.

Eske salsaq, osy jyldyń maýsym aıynda shved soty Statıge qarsy iste Qazaqstan tarapynyń paıdasyna sheshim shyǵarǵan edi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT