+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Stanımır Stoılov Grýzııamen bolǵan oıyn jóninde aıtyp berdi

2018 jylǵy 20 qarasha 08:44
Bólisińiz:
Stanımır Stoılov Grýzııamen bolǵan oıyn jóninde aıtyp berdi

ASTANA. QazAqparat - Qazaqstan quramasynyń bas bapkeri Stanımır Stoılov Grýzııamen bolǵan matchtan keıin jýrnalıster suraqtaryna jaýap berdi, dep habarlaıdy QazAqparat Sports.kz portalyna silteme jasap.

- Búgin jaqsy match boldy. Qos komanda da baryn saldy. Grýzııanyń jeńisi adal. Birinshi taımda bizdiń oıynshylar aımaqtardy jaqsy qorǵap júrdi. Biraq ekinshi taımda №10 nómirli oıynshyǵa (Gıorgı Chakvetadze - avt.) shamasy kelmedi. Ol bizge kóp kedergi jasady. Bul fýtbolshy bizdiń quramamen bolǵan eki oıynda da basymdyq kórsetti.

- Birinshi matchta asa mańyzdy goldy Chakvetadze soqty. Búgingi oıynda da kóp eńbek etti - gol+pas jasady. Oıynǵa daıyndyq kezinde dál osy fýtbolshyǵa qarsy turý týraly mindet qoıǵan joqsyzdar ma?

- Durys aıtasyz, grýzın quramasynyń №10 fýtbolshysy eki oıynda da sheshýshi ról atqardy. Jaqsy gol soqty, ózi de jaqsy oıynshy. Bizdiń shetki qorǵaýshylar oǵan qarsy tura almady.

- Motıvatsııa jóninde oıynshylarǵa aıtar renishińiz joq pa?

- Yntadan góri biliktilik pen senimdilik jetispedi. Búgingi oıynǵa dopty uzaǵyraq qadaǵalaýda ustaıtyn áldeqaıda tájirıbeli fýtbolshylar qatysqan joq.

- Debıýtanttar oıynyn qalaı baǵalaısyz?

- Búgin biz negizgi quramda buryn oınamaǵan birneshe oıynshynyń ónerin kórýge tıis edik. Olar baryn salyp oınap, kóp ter tókti. Alaıda olardyń tájirıbesi az, úırenetini kóp ekeni baıqalyp qaldy. Bizdiń shabýylshylar búgin ózderin laıyqty deńgeıde kórsete almady. Oraıly sátte júz paıyz myqtylyǵyn kórsetýge sál ǵana jetpeı qalǵan áttegenaı deıtin tustar boldy.

- Eki oıynda Qazaqstan qaqpasyna 4 gol soqqan Grýzııanyń joly bolyp ketken sııaqty kóringen edi. Jalpy, qos komanda arasyndaǵy biliktilik boıynsha aıyrmashylyq qatty áser etti me?

- Keshegi baspasóz máslıhatynda Grýzııa toptaǵy birinshi oryndy óz eńbegimen ıelengenin, soǵan laıyq ekenin aıtqan edim. Olardyń fýtbolshylary ózderine óte senimdi. Bizde qorǵanys boıynsha birqatar problemalar bar. Qazir sony túzetýge tyrysyp jatyrmyz. Naqty pasty jaqsylap oılastyryp, dál iske asyrý ońaı emes. Sonymen qatar, shabýylǵa qatysty da kemshilikter bar, ol árbir oraıly sáttiń oıdaǵydaı aıaqtalýyna áser etedi. Onyń ústine bir mańyzdy nárseni aıta ketý kerek - búkil týrnır boıynda bizdiń jolymyz bolmady, bizge shynymen de osy nárse jetispedi.

- Keshe siz adam toly stadıonǵa qýanatynyńyzdy, odan qoryqpaıtynyńyzdy aıtqan edińiz. Al búgin ne deısiz?

- Biz odan ózimizge paıdaly sabaq ala bildik. Oıyn kezinde atmosfera jaqsy boldy. Men oǵan árqashan qýanyshtymyn. Halyq fýtbol tamashalaýǵa keldi jáne komanda laıyqty oıyn kórsete bildi. Meniń oıymsha, salmaqty qarsylaspen bolǵan osyndaı matchtar arqyly bizdiń quramanyń sapasy artyp, óse túsedi.

Bizdiń kanalymyzǵa jazylyńyz:

#Sport  
Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT