+7 (701) 759 90 19 Lenta
USD 387.34 EUR 428.44
RUB 6.04 CNY 54.58
Jańalyqtar

Sporttyq quzǵa órmeleýden Álem chempıonaty: Rıshat Haıbýllın «qola» enshiledi

2019 jylǵy 21 tamyz 17:56
Bólisińiz:
Sporttyq quzǵa órmeleýden Álem chempıonaty: Rıshat Haıbýllın «qola» enshiledi

NUR-SULTAN. QazAqparat - Sporttyq quzǵa órmeleýden Japonııanyń Hatıodzı qalasynda ótip jatqan Álem chempıonatynda qazaqstandyq Rıshat Haıbýllın qola júldeger atandy, dep habarlaıdy QazAqparat Olympic.kz saıtyna silteme jasap.

Rıshat Olımpıada lıtsenzııasy taratylatyn «kópsaıys» baǵdarlamasy boıynsha álemdegi úzdik úsh sportshynyń qataryna enip otyr. Kópsaıys qataryna boýlderıng, jyldamdyq jáne qıyndyq boıynsha jarysý engen.

«Jyldamdyq» boıynsha Rıshat eń úzdik nátıje kórsetip, birinshi orynnan kórindi. Ol 5.915 sekýndta berilgen qashyqtyqty júrip ótip, álem rekordyn jańartýǵa bir qadam jaqyndady.

«Boýlderıng» boıynsha Haıbýllın segizinshi oryn alsa, eń sheshýshi kezeń sanalatyn «qıyndyqta» besinshi orynnan kórindi.

Jarys nátıjesinde úsh kezeńdegi upaılar eseptelip, jeńimpazdar men júldegerler anyqtalǵan.

Rıshat Haıbýllın Olımpıada lıtsenzııasymen birge álemdik synnyń qola júldesin ıelenip otyr. Altyn medaldi Japonııa ókili Tomoa Narasakı, kúmis júldeni avstrııalyq ıAkýb Shýbert ıelendi.

Aıta keteıik, buǵan deıin sporttyq quzǵa órmeleýden Qazaqstan sportshylary álem birinshiliginen júlde almaǵan. Sondaı-aq, Rıshat atalǵan Álem chempıonatynyń fınalynda óner kórsetken TMD elderiniń jalǵyz ókili.

Rıshat Haıbýllın Álem chempıonatynyń qola júldesimen birge Olımpıada joldamasyna ıe bolǵanyn esterińizge salamyz.

Bizdiń kanalymyzǵa jazylyńyz:

Basty sózder: Sport,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT