+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Sportshyny atyp óltirgen aqtóbelikke sot úkimi shyqty

2021 jylǵy 9 shilde 18:21
Bólisińiz:
Sportshyny atyp óltirgen aqtóbelikke sot úkimi shyqty

AQTÓBE. QazAqparat - Aqtóbe oblysynyń qylmystyq ister jónindegi mamandandyrylǵan aýdanaralyq sotynda sottalýshy Serik Sádýovke qatysty istiń úkimi shyqty. Ol 22 jylǵa bas bostandyǵynan aıyryldy, dep habarlaıdy QazAqparat tilshisi.

Uqsas jańalyqtar
Aqtóbede tótenshe jaǵdaılar qyzmetkerleri shuńqyrǵa túsken balany alyp shyqty BQO-da órt sóndirý bóliminiń bastyǵyn óltirgen qylmysker 11 jylǵa sottaldy SQO-da ishkilikke salynǵan anasyna baılanysty eki balanyń quqyǵy qorǵaldy

Sottalýshy Serik Sádýovke qatysty Qylmystyq kodekstiń «Atys qarýyn zańsyz ıemdený, saqtaý, tasymaldaý jáne alyp júrý», «Adam óltirýge oqtalý», «Buzaqylyq nıetpen adam óltirý» baptary boıynsha aıyp taǵylyp, qylmystyq isti qarady.

«Sot Serik Sádýovtiń eki oq-dárisi bar 16 kalıbrli «IJ-K» sholaq myltyqty zańsyz ıemdengenin, saqtaǵanyn, tasymaldaǵanyn jáne alyp júrgenin anyqtady. 2021 jyldyń 4 aqpanynda Serik Sádýov sholaqmyltyqpen jábirlenýshi J-ny atqan. Ol qashyp qutyldy, tiri qaldy. Sol kúni Sádýov jábirlenýshi H-nyń ishine oq atyp, ol sol jerde qaza tapty. Sádýovtiń kinási jábirlenýshiniń, kýágerlerdiń aıǵaqtarymen, sot saraptamalarynyń qorytyndylarymen, zattaı dáleldemelermen dáleldendi. Prokýror Sádýovti 22 jylǵa bas bostandyǵynan aıyrýdy surady. Sádýov qylmysty mas kúıinde jasaǵan. Ol jazany aýyrlatatyn aıǵaq. Jazasyn qylmystyq-atqarý júıesiniń qaýipsizdigi barynsha joǵary mekemesinde óteıdi. Serik Sádýov 22 jylǵa bas bostandyǵynan aıyryldy», - dep habarlady Aqtóbe oblysynyń qylmystyq ister jónindegi mamandandyrylǵan aýdanaralyq soty.

Aıta keteıik, jábirlenýshilerdiń paıdasyna moraldyq zalal óndirildi. Úkim zańdy kúshine engen joq.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT