+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Sportshylarǵa olımpıada qalashyǵynan shyǵýǵa tyıym salynǵan - Elsııar Qanaǵatov

2021 jylǵy 17 shilde 09:21
Bólisińiz:
Sportshylarǵa olımpıada qalashyǵynan shyǵýǵa tyıym salynǵan - Elsııar Qanaǵatov

NUR-SULTAN. QazAqparat - XXXII Jazǵy Olımpıada oıyndary alaýynyń tutanýyna bir apta ǵana ýaqyt qaldy. Qazaqstan ulttyq quramasynyń alǵashqy legi Japonııaǵa attanyp ketkenin habarlaǵan bolatynbyz. Qazaq sportshylaryn Tokıoda QR Ulttyq olımpıada komıteti sport dırektsııasynyń basshysy Elsııar Qanaǵatov kútip alady.Bul týraly Qanaǵatov QazAqparat tilshisine bergen suhbatynda atap ótti.

- Elsııar Baımuhambetuly, sportshylardan buryn Tokıoǵa baryp, daıyndyq jumysyn júrgizip jatqanyńyzdy estidik. Jalpy, sportshylardy kútip alý máselesi qalaı bolyp jatyr?

- Iá, men qazir Tokıo qalasyndamyn. Orynbasarym Aslan Amanov ekeýmiz aldyn ala kelip, Olımpıadaǵa keletin sportshylarymyzdy kútip alýǵa qyzý daıyndyq ústindemiz. Kúnde uıymdastyrý komıtetiniń jıyndaryna qatysyp, suraqtarymyzǵa jaýap alyp, usynystarymyzdy aıtyp, Qazaqstan sportshylaryna búkil jaǵdaıdy jasaýǵa kúsh salyp jatyrmyz.

- Olımpıada qalashyǵy sportshylardy kútip alýǵa qanshalyqty daıyn?

- Burynǵy Olımpıadalardan artyq bolmasa, kem eshteńesi joq. Japon halqyn bilesizder, óte tártipti, ár iske uqypty jaýapkershilikpen qaraıdy. Uıymdastyrý jaǵynan biz kemshilik baıqap jatqan joqpyz. Sondaqtan olımpıadalyq qalashyq ár elden kelgen barlyq olımpıadashylardy kútip alýǵa daıyn.

Tipti, keıbir eldiń sportshylary kelip te alypty. Qalypty rejımde osynda jattyǵyp jatyr. Bizdiń de sportshylar kelgende qalashyqtaǵy belgilengen orynda erkin demalyp, alańsyz jarysqa daıyndalatyn bolady.

- Qazaq sportshylary ornalasatyn mekenjaı, jatyn oryndary týraly aıta ketseńiz...

- Qazaq elinen keletin sportshylar olımpıadalyq qalashyqtyń eń yńǵaıly jerindegi qonaq úıge ornalasady. Barlyǵyn kózben kórip, qolmen ustap, qabyldap aldyq. Qazir tutas delegatsııanyń oıyndar kezinde turatyn bólmelerin, turmystyq zattaryn qabyldap aldyq.

Negizinen, sportshylarymyz bir oryndyq, eki oryndyq bólmelerde jatady. Bapkerler de solaı. Jalpy, óte qolaıly jerden oryn buıyrdy. Kólik te qasymyzda. Tamaqtanatyn oryndar da yńǵaıly jerde ornalasqan eken.

Sportshylarǵa beriletin taǵam túrlerimen de tanystyq. Qoı eti men sıyr etinen daıyndalatyn taǵamdary qatty unady. Biz etsiz, sorpa-sýsyz júre almaıtyn halyqpyz ǵoı. Tamaq jaǵynan esh alańdaýdyń qajeti joq eken.

- Japon bıligi olımpıadashylarǵa qazirgi álemdi alańdatyp otyrǵan pandemııaǵa baılanysty qandaı shekteý, talaptar qoıyp otyr?

- Japondar - tártipti joǵary baǵalaıtyn el. Eń bastysy, betperdemen júrý mindet. Barlyq jerde sanıtarlyq talaptarǵa saı tazalyqty, tártipti saqtaý kerek. Sportshylarǵa qalany erkin aralap qydyrýǵa qatań tyıym salynǵan. Olımpıadalyq qalashyqtan shyǵýǵa bolmaıdy.

Tek, belgilengen oryndarda ǵana júrip-turýǵa ruqsat etilgen. Bizge bul erejeler tolyǵymen aıtyldy. Biz ony barlyq bapkerler men sportshylarǵa túsindirdik, jetkizdik, aıttyq. Kimde-kim erejeni buzsa, qatań jazalanady.

- Bıylǵy Olımpıada oıyndary nesimen este qalýy múmkin?

- Ony aldaǵy ýaqyt kórsetedi. Jalpy, este qalatyn qyzyǵy mol Olımpıada bolatynyna kúmánim joq.

- Sportshylarǵa Tokıo tórinen qansha medal alý mindeti qoıylyp otyr?

- Jalpy, sportshylardyń daıyndyǵy óte jaqsy. Júldege talasatyn sportshylarymyz kóp. Júldeden úmitti sportshylarymyzdan bólek, biz kútpegen medaldar bolýy da múmkin.

Olımpıadashylarymyz alǵashqy oıyndardan joǵary nátıjege qol jetkizýge tyrysady. Ázirge medal sany týraly boljam jasamaıyq. Tek sportshylarǵa qoldaý kórsetip, jankúıer bolaıyq.

-Áńgimeńizge rahmet!

Bizdiń kanalymyzǵa jazylyńyz:

Bólisińiz:

Avtor:

Kúnsultan Otarbaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT