+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Sport mınıstrligi «Saryarqa» velotregine qatysty túsinikteme berdi

2021 jylǵy 27 shilde 16:25
Bólisińiz:
Sport mınıstrligi «Saryarqa» velotregine qatysty túsinikteme berdi

NUR-SULTAN. QazAqparat - Mádenıet jáne sport mınıstrligi «Saryarqa» velotregin jedel basqarýǵa berý máselesi boıynsha túsinikteme berdi, dep habarlaıdy QazAqparat vedomstvonyń saıtyna silteme jasap.

Uqsas jańalyqtar

«2021 jyly aqpan aıynda «Qazaqstandyq velosıped sporty federatsııasy» QB Qazaqstan Respýblıkasynyń «Memlekettik-jekeshelik áriptestik týraly» Zańyna sáıkes mınıstrlikke «Saryarqa» respýblıkalyq velotregi negizinde UCI halyqaralyq spýtnık ortalyǵyn qurý jáne balalar sportyn damytý ortalyǵyn ashý» memlekettik-jekeshelik áriptestik jobasyn joldady. MJÁ qaǵıdattarynyń biri teńgerimdilik qaǵıdaty – memlekettik-jekeshelik áriptestik jobasyn iske asyrý protsesinde memlekettik áriptes pen jekeshe áriptes arasynda mindetterdi, kepildikterdi, táýekelder men kiristerdi ózara tıimdi bólý», delingen habarlamada.

Vedomstvonyń málimetinshe, Ulttyq ekonomıka mınıstri m.a. «Memlekettik-jekeshelik áriptestik jobalaryn josparlaýdyń jáne iske asyrýdyń keıbir máseleleri týraly» 2015 jylǵy 25 qarashadaǵy № 725 buıryǵyna sáıkes «Qazaqstandyq velosıped sporty federatsııasy» QB jobalyq qujattamaǵa saraptama júrgizý jáne MJÁ kelisim sharttaryn talqylaý boıynsha tikeleı kelissózderdiń qatysýshysy dep tanylǵan.

«Qazirgi tańda tikeleı kelissózder protsesi júrip jatyr, sonymen qatar jeke serikteske talaptar qoıylady jáne esepteýler taldanady. MJÁ mehanızmi sheńberinde obektini jeke menshikke ıelikten shyǵarý quqyǵynsyz tek ǵımaratty jedel basqarýǵa ǵana beriledi. Al barlyq sport komponentteri, olardyń ishinde 17 jazǵy olımpıadalyq sport túrinen sportshylar daıyndyqty júzege asyratyn Olımpıadalyq daıarlaý ortalyǵy burynǵydaı mınıstrliktiń qaraýynda qalady. Jobany júzege asyrý barysynda Olımpıadalyq daıarlaý ortalyǵynyń sportshylary atalǵan obektige kedergisiz kire alatyndyǵyn atap ótken jón, ol óz kezeginde olımpıadalyq rezervtiń daıyndalýyna keri áserin tıgizbeıdi», delingen mınıstrliktiń habarlamasynda.

Vedomstvonyń málimetinshe, joba «Saryarqa» respýblıkalyq velotregi negizinde UCI halyqaralyq spýtnık ortalyǵyn quryp jáne balalar sportyn damytý ortalyǵyn ashady.

«Jeke seriktes UCI halyqaralyq spýtnık ortalyǵyn qurý boıynsha jáne sportshylar men jattyqtyrýshy-oqytýshylar quramyn daıyndaý jáne biliktilikterin arttyrý boıynsha halyqaralyq akkredıtteýdi alý jáne balalarǵa arnalǵan halyqaralyq bilim berý baǵdarlamalaryn engizýmen birge balalar sportyn damytý ortalyǵyn qurý boıynsha qyzmet kórsetetin bolady. Sonymen qatar, áleýmettik baǵyttalǵan atalǵan MJÁ jobasy aıasynda az qamtylǵan jáne kóp balaly otbasydan shyqqan, múgedek jáne jetim balalar úshin tegin sektsııalar qarastyrylǵan», delingen habarlamada.

Sondaı-aq, paravelosporttyń damýyna erekshe kóńil bólinbek.

«Osylaısha Qazaqstandyq velosıped sporty federatsııasy Ulttyq paraolımpıadalyq komıtetiniń tanýyna ıe bolyp, atalmysh baǵytty Qazaqstanda qosymsha damytady. Jeke seriktes maqsatyna sáıkes joba sheńberinde qazaqstannyń sportshylarynan ǵana qurylǵan Nur-Sultan Cycling Team trektegi velosıped komandasyna qoldaý kórsetiledi. Balalar sportyn damytý ortalyǵymen qosa , trekten ulttyq velokomandanyń bolýy jas urpaqtyń velosıped sportyna qyzýǵyshylyǵyn arttyra otyryp, balalar úshin qolaıly ortany jasaıdy. MJÁ kelisim sharttarynyń merzimi aıaqtalǵannan keıin, jeke seriktes, MJÁ týraly kelisim sharttaryna sáıkes, obektini memlekettik serikteske tıisti tehnıkalyq jaǵdaıda qaıtarýǵa mindetti», delingen habarlamada.

Vedomstvonyń túsindirýinshe, sport salasynda MJÁ sport ınfraqurylymyn jańartý jáne jaqsartý úshin, jeke seriktesterden ınvestıtsııalardy tartýǵa baǵyttalǵanyn eskerý qajet. Sport obektilerin jeke qurylymdarǵa berý boıynsha jobalar da atalǵan maqsatty kózdeıdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT