+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Sozaq polıtseıleri jolda adasyp, kóligi batpaqqa batqan shetel azamattaryna kómektesti

2019 jylǵy 29 qarasha 12:21
Bólisińiz:
Sozaq polıtseıleri jolda adasyp, kóligi batpaqqa batqan shetel azamattaryna kómektesti

TÚRKІSTAN. QazAqparat - Túrkistan oblysy Sozaq aýdanynyń polıtseıleri kóligimen batpaqqa batyp, adasyp qalǵan shetel azamattaryna kómektesti. Bul jóninde óńirlik polıtsııa departamentine silteme jasap QazAqparat habarlaıdy.

Sozaq APB qyzmetkerleri shalǵaı aýylda adasyp qalǵan Tájikstan Respýblıkasynyń 4 azamatyna kómek qolyn sozdy.

«102» telefonyna belgisiz bireý habarlasyp, tájikstandyq jigitter jolda adasyp , kóligi batpaqqa batqanyn, kóliktiń janarmaıy taýsylǵanyn aıtyp, kómek suraıdy. Kelip túsken aqparat boıynsha, Sozaq APB JPQ ýchaskelik polıtsııa ınspektory, polıtsııa maıory Dıdar Ýteshov, polıtsııa kapıtany Samat Nurǵalıev, polıtsııa aǵa-leıtenanty Janbolat Ordabekter tez arada habarlama túsken aımaqqa attanady. Osylaısha tájirıbeli polıtseıler 5 saǵat ishinde jeke kóligimen adasyp qalǵan tájik jigitterin taýyp, kólikti arnaıy quraldar arqyly tyǵylǵan batpaqtan shyǵaryp alady. Odan soń 12 saǵattaı dalada júrgen azamattardy aman-esen aýrýhanaǵa jetkizip, alǵashqy medıtsınalyq kómek kórsetti» delingen habarlamada.

Polıtseılerdiń anyqtaýynsha, kómek suraǵan jigitterdiń Reseıde jumys istep, eline qaıtyp kele jatqan beti eken. Qaı jerde kele jatqanyn kórsetip otyratyn navıgator qurylǵysyna senip, saldarynan adasqan azamattardyń bir sátte kóliginiń janarmaıy taýsylady, sodan soń jyǵylǵanǵa judyryq degendeı kóligi batpaqqa batyp ketedi. Tipti jeli de joǵalyp, tiri janmen baılanysý múmkin bolmaı qalady.

Osy sátte 4 jigittiń ekeýi kómektesetin adam izdep, jaıaý jolǵa shyǵady. 75 shaqyrym jaıaý júrgen azamattardy vahtalyq ádispen jumys isteıtin jergilikti jumysshylar kezdestirip, dereý polıtsııaǵa habar bergen. Al polıtseıler adasqan jigitter men kólikti taýyp, kásibı sheberligin kórsetti.

Óz kezeginde Tájikstan azamattary sozaqtyq polıtseılerge alǵysyn jaýdyrdy.

«Polıtseılerdiń arqasynda aman qaldyq. Aıdalada kólik júrmeıdi, as-sýymyz joq, tipti uıaly telefon baılanysy joq jerde qalyp kettik. Úmitimiz úzilgendeı bolyp edi. Bizdi taýyp alyp, kómek kórsetkenderine rahmet. Óz isiniń naǵyz mamandary eken. Naǵyz baýyr retinde kómek qolyn sozdy, rızamyz», -dep olar rızashylyǵyn bildirdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT