Sottalǵandardy jeke-jeke ustaýdy engizýge áli erte - QR ІІM

NUR-SULTAN. QazAqparat – Qazaqstanda sottalǵandardy jeke-jeke qamaýda ustaý júıesin engizýge áli erte. Bul týraly búgin ishki ister organdaryn jańǵyrtý máseleleri jóninde ótken Senat depýtattarynyń kóshpeli otyrysynda QR Іshki ister mınıstriniń orynbasary Alekseı Kalaıchıdı aıtty, dep habarlaıdy QazAqparat tilshisi.

Uqsas jańalyqtar

Shetel túrmelerinde qansha qazaqstandyq otyr

«Sottalǵan adamdardy jeke-jeke qamaýda ustaý máselesine qatysty aıtar bolsam, biz muny qarastyrdyq, tyńǵylyqty zerdeledik. Biraq, jeke kamerada ustaý júıesine kóshýge áli erte degen uıǵarym jasaldy. Sebebi baraq júıesinde biz jazalaý rejimderin qysqartatyn bolsaq, onda qoǵamdyq qaýpi joǵary qylmyskerler ózderiniń qylmystyq yqpaldaryn basqa sottalýshylarǵa taratý qaýpi bar», - dedi Alekseı Kalaıchıdı.

Sonymen qatar ol bas bostandyǵynan aıyrý oryndarynda beınebaqylaý júıesin engizý máselesine toqtaldy.

«Biz shamamen 600 mln teńgeni ıgerdik. Beınebaqylaýdyń 19 statsıonarlyq júıesimen qatar patýrýldik polıtseılerdiki sııaqty derbes tasymaldaýshy da satyp alyndy. Olar qyzmetkerlerdiń ózderin de, sottalýshylardy da tártipke salýǵa múmkindik beredi. Beınebaqylaý júıesi engizilgen jerlerde shaǵymdardyń sottalýshylardyń, sonymen qatar olardyń jaqyn týystarynyń, qoǵamdyq baıqaýshy komıssııalardyń tarapynan túskenin azaıa túskenin baıqadyq», - dedi ol.