+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Sot «SQ-Farmatsııanyń» burynǵy basshysyn aqtap shyǵardy

2021 jylǵy 4 tamyz 15:49
Bólisińiz:
Sot «SQ-Farmatsııanyń» burynǵy basshysyn aqtap shyǵardy

NUR-SULTAN. QazAqparat – Nur-Sultan qalasy Esil aýdandyq sotynyń sýdıasy Qanat Dúısembıev «SQ-Farmatsııanyń» burynǵy basshysy Berik Sháripke qatysty úkim shyǵardy, dep habarlaıdy QazAqparat tilshisi.

Uqsas jańalyqtar
Burynǵy Qarjy vıtse-mınıstri Rýslan Eńsebaev tórt jylǵa sottaldy Almatydaǵy atys: sot kúdiktiniń áıeli túsirgen shaǵymdy keıin qaraıdy SQO-da ishkilikke salynǵan anasyna baılanysty eki balanyń quqyǵy qorǵaldy

«SQ-Farmatsııanyń» burynǵy basshysyna eki bap boıynsha aıyp taǵylǵan bolatyn.

Prokýror sottan kúdiktige Qylmystyq kodekstiń 361-babynyń 4-bóligi, 3-tarmaǵy boıynsha laýazymdyq ókilettikterdi teris paıdalaný arqyly aýyr zardaptarǵa jol bergeni úshin jáne osy kodekstiń 287-babynyń 2-bóligi boıynsha uńǵysyz tapanshany zańsyz saqtaǵany úshin 5 jylǵa bas bostandyǵynan aıyrý jazasyn taǵaıyndaýdy surady.

Úkimdi oqyǵan sýdıa Qanat Dúısembıev Berik Sháripti qamaýdan bosatyp, aıyppul salý týraly sheshim shyǵarylǵanyn atady.

«Berik Shárip 287-baptyń 2-bóliginde kózdelgen qylmystyq quqyq buzýshylyq jasaǵany úshin kináli dep tanylsyn jáne 2 mıllıon 778 myń teńge kóleminde nemese 1000 AEK aıyppul taǵaıyndalsyn. Berik Shárip 361-baptyń 4-bóliginiń 3-tarmaǵynda kózdelgen qylmystyq quqyq buzýshylyq jasaýda kinásiz dep tanylsyn jáne onyń is-áreketterinde qylmys quramy bolmaǵany úshin aqtalsyn», - dedi sýdıa.

Sondaı-aq, tóleýge jatatyn aıyppul onyń tergeý kezinde qamaýda otyrý merzimi esebinen qysqartylatynyn aıtty.

«Qylmystyq kodekstiń 62-baby 3-bóligi 4-tarmaǵy boıynsha 2020 jylǵy 12 tamyzdan bastap 2021 jylǵy 4 tamyzǵa deıingi kezeńde kúzetpen qamaýda bolǵan ýaqyttyń bir kúni úshin 4 AEK aıyppul bolyp eseptelsin jáne Berik Shárip taǵaıyndalǵan aıyppul túrindegi jazany ótedi dep sanalsyn. Ol sot otyrysynyń qamaýynan bosatylsyn. Kúzetpen ustaý túrindegi bultartpaý sharasy joıylsyn», - dedi sýdıa Qanat Dúısembıev.

Eske salsaq, 2020 jyldyń 14 tamyzynda Sybaılas jemqorlyqqa qarsy is-qımyl agenttigi «SQ-Farmatsııa» JShS-nyń burynǵy basqarma tóraǵasy Berik Shárip ustalǵanyn habarlaǵan bolatyn.

«Nur-Sultan qalasynyń mamandandyrylǵan aýdanaralyq tergeý soty kúdikti Berik Sháripke qatysty 2 aı merzimge tutqynǵa alý túrindegi bultartpaý sharasyna sanktsııa berdi.

Al 2021 jyldyń basynda aıyptaýshy tarap ókili kúdiktiniń kesirinen dárigerler koronavırýs juqtyrdy degen málimet bergen edi.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT