+7 (701) 759 90 19
USD 389.34 EUR 428.78
RUB 6.05 CNY 55.45
Jańalyqtar

Sońǵy úsh jylda Ýkraına Qazaqstanǵa 6 qylmyskerdi ustap berdi

2019 jylǵy 7 qarasha 10:43
Bólisińiz:
Sońǵy úsh jylda Ýkraına Qazaqstanǵa 6 qylmyskerdi ustap berdi

NUR-SULTAN. QazAqparat – Parlament Senatynyń jalpy otyrysynda «Qazaqstan men Ýkraına arasyndaǵy ekstradıtsııalaý týraly shartty ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Uqsas jańalyqtar
Bas prokýratýra shetelden ekstradıtsııalanǵan tulǵalar týraly aqparat berdi Ýkraınada depýtattardyń aıryqsha quqyǵy joıyldy

Qazaqstan men Ýkraına arasyndaǵy ekstradıtsııalaý týraly shart 2018 jyly qazanda elordada jasaldy.

«Búginde Ýkraınamen arada qylmystyq qýdalaý salasynda ózara senim qalyptasqan. Sońǵy úsh jylda Ýkraına bizge 6 qylmyskerdi ustap berdi. Qazir atalǵan elde jasyrynyp júrgen 6 adam bar. Olardy qaıtarý qaralyp jatyr. Bul shart sol qarym-qatynasty joǵary dárejede bekitip, yntymaqtasýdyń jalǵasy bolmaq», - dedi QR Bas prokýrorynyń orynbasary Marat Ahmetjanov.

Onyń aıtýynsha, bul shart qylmystyq jaýapqa tartý jáne sot úkimin oryndaý úshin adamdardy ustap berý máselesin sheshedi. Shart boıynsha jasalǵan qylmys úshin eki elde de keminde bir jylǵa bas bostandyǵynan aıyrý kózdelgen bolsa nemese sottalǵan adamnyń ótelmegen merzimi 6 aıdan kóp bolsa ol ustap beriledi. Árıne, adamdy berýden bas tartý negizderi de kózdelgen.

Mysaly, bir tarapta qylmys dep sanalatyn áreket ekinshi jaqta olaı bolmasa nemese qýdalaý merzimi ótip ketse, suralyp otyrǵan áreket áskerı qylmysqa jatsa, ustap berý egemendik pen ulttyq qaýipsizdikke nuqsan keltiretin bolsa, sondaı-aq Qazaqstannyń zańnamasyna nemese halyqaralyq mindettemelerge qaıshy kelse.

«Búginde eki el arasynda bul másele Mınsk konventsııasymen rettelýde. Konventsııa ekijaqty shart jasaýǵa tyıym salmaıdy», - dedi M. Ahmetjanov.

Onyń atap ótýinshe, osy tektes qujattar 21 elmen bekitilgen.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT