+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Sońǵy onjyldyqta túsirilgen úzdik fılmder tizimine «Qazaqfılmniń» týyndysy endi

2020 jylǵy 23 qańtar 00:41
Bólisińiz:
Sońǵy onjyldyqta túsirilgen úzdik fılmder tizimine «Qazaqfılmniń» týyndysy endi

NUR-SULTAN. QazAqparat - Bedeldi Variety basylymynda jarııalanǵan sońǵy onjyldyqta túsirilgen úzdik fılmder tizimine «Qazaqfılm» kınostýdııasy qatysýymen túsirilgen «Júgeri araly» fılmi kirdi, dep habarlaıdy QazAqparat qazaqstandyq kınostýdııa saıtyna silteme jasap.

Uqsas jańalyqtar
Túrkistan qalasy týraly jańa fılm shyqty Qaraǵandy oblysynda «Qazaqfılm» kúnderi ótedi Ábý-Dabıde «Qunanbaı» fılmi kórsetiledi

«2014 jyly Qazaqstan, Grýzııa, Germanııa, Frantsııa jáne Chehııa elderimen birlesip túsirgen rejısser Georgıı Ovashvılıdiń «Júgeri araly» kórkem fılmi álemge áıgili Variety kınojýrnalynda sońǵy onjyldyqta AQSh-ta prokatqa shyqpaǵan sheteldiń úzdik fılmderdiń tizimine kirdi. Qazaqstan tarapynan bul fılmge Sh.Aımanov atyndaǵy «Qazaqfılm» kınostýdııasy qoldaý bildirgen, al fılmniń bastamashyl prodıýseri - Saıyn Ǵabdýllın», delingen habarlamada.

Basylymda jaryq kórgen «Kórsetilmegen injý» maqalasynyń avtory Variety jýrnalynyń bas kınosynshysy Pıter Debrıýg. Aıta ketsek, bedeldi salalyq basylymda jarııalanatyn analıtıkalyq maqalalar prokatpen aınalysatyn mamandarǵa jáne festıvalder ókilderine úlken ekrandarǵa shyǵýǵa laıyqty kartınalardy irikteýge kómektesedi.

«Osy kúnge deıin amerıkalyq kórermender bul fılmderdi kóre almaǵandaryna qatty ókinemin. Osy týyndylardy taýyp, mindetti túrde kórýge keńes beremin!», - dep jazady kınosynshy.

Atalǵan kartına nemeresimen birge júgeri ósirý úshin ózen jaǵasynda ornalasqan aralǵa arnaıy kóship kelgen qarııa sharýanyń ómirin baıandaıdy.

Bul týystyq jáne rýhanı qatynastardyń adamgershilikke toly jáne áserli oqıǵasy. Fılmde tirshiliktiń qamy úshin eńbek etip júrgen qarapaıym adamdardyń ómiri sýretteledi. Sharýanyń rólin túrik akteri Іlııas Salman, al onyń nemeresin – osetııalyq jas aktrısa Marııam Býtýrıshvılı somdady.

«Óziniń osy tamasha jumysy arqyly bes birdeı eldiń bedelin arttyrǵan rejısserdiń erekshe talanty týraly aıtqym keledi. Men Georgıı Ovashvılımen 2004 jyly Marokkoda tanystym, keıin onyń «Basqa jaǵalaýy» atty alǵashqy tolyqmetrajdy fılminde prodıýser boldym. Bul týyndy Berlın kınofestıvaliniń baǵdarlamasyna ilinip, 2009 jyly Eýropralyq kınoakademııanyń nomınatsııasyna usynylǵan bolatyn. Ýaqyt óte osy «Júgeri araly» fılmine kiristik», - dedi prodıýser Saıyn Ǵabdýllın.

Aıta ketsek, fılmniń tusaýkeseri 2014 jyly Halyqaralyq Karlovy Vary kınofestıvali aıasynda ótti. Bul baıqaýda kınotýyndy bas júldege jáne ekýmenıkalyq qazylar alqasynyń marapatyna ıe boldy.

Sol jyly «Júgeri araly» fılmi Grýzııa elinen «Sheteldiń úzdik fılmi» nomınatsııasy boıynsha «Oskar» júldesine usynylyp, tipti toǵyz úmitkerden turatyn short-paraqshasyna kirdi.

Reseıdiń Anapa qalasynda ótken «KINOShOK» festıvalinde de Ovashvılıdiń fılmi bas júldege jáne «Úzdik operatorlyq jumys» syılyǵyna ıe boldy. Sonymen qatar, bul týyndy Mınskide ótken «Lıstopad» kınofestıvalinde «Úzdik operatorlyq jumys» júldesimen marapattaldy.

«Júgeri araly» fılmi álemge máshhúr Kann, Býsan jáne San-Sebastıan syndy halyqaralyq bedeldi kınofestıvalderdi qosa sanaǵanda 70-ke jýyq kınobaıqaýlarǵa qatysty. Jalpy alǵanda bul fılm 32 júldege ıe boldy, olarlyń keıbireýlerin atap ketken jón:

«Qazylar alqasynyń arnaıy júldesi», Film from the south/«Ońtústiktiń fılmderi» festıvaliniń negizgi baǵdarlamasyna qatysqan (Oslo, Norvegııa);

«Kınosynshylar marapaty» - Mostra de cinema/«Kınoshoý» halyqaralyq kınofestıvaliniń qurmetti júldesi, «Jańa rejısserlerdiń jarysy» kategorııasynda (San-Paýlý, Brazılııa);

«Kórermender kózaıymy júldesi (Úzdik fılm)», sondaı-aq «Halyqaralyq kınosynshylardyń júldesi», Athens panorama of European cinema/«Eýropalyq kıno panoramasy» festıvali (Afına, Grekııa);

«Úzdik rejısser» jáne «Úzdik aktrısa», San marino international film festival/«Halyqaralyq San-Marınodaǵy kınofestıvaldik negizgi baǵdarlamasyna qatysqan (San-Marıno);

«Úzdik fılm», «Úzdik mýzyka», «Synshylardyń marapaty» jáne Gran-prı - «Zolotaıa Antıgona» júldesi, 36th International mediterranean film festival/«36-shy Halyqaralyq jerortalyq fılmder kınofestıvali» (Monpele, Frantsııa).


Bizdiń kanalymyzǵa jazylyńyz:

Basty sózder: Mádenıet,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT