+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Sońǵy 100 kún saıası júıeniń evolıýtsııalyq deńgeıge ótkenin kórsetti- Erlan Saırov

2019 jylǵy 19 qyrkúıek 12:21
Bólisińiz:
Sońǵy 100 kún saıası júıeniń evolıýtsııalyq deńgeıge ótkenin kórsetti- Erlan Saırov

NUR-SULTAN. QazAqparat – Belgili sarapshy Erlan Saırov Qasym-Jomart Toqaevtyń Memleket basshylyǵyna kelgenine 100 kún tolýyna oraı pikir bildirdi, dep habarlaıdy QazAqparat tilshisi.

«Ózderińiz biletindeı, Qasym-Jomart Toqaevtyń Memleket basshylyǵyna kelgenine búgin týra 100 kún tolyp otyr. 100 kún ózderińizge belgili, ońaı bolǵan joq. Biraq, osy júz kúnniń ishinde bizdiń saıası júıe evolıýtsııalyq turǵyda basqa bir sapaly deńgeıge ótýge óziniń qabiletti ekendigin kórsetti. Kóz aldymyzda eldiń saıası tarıhynyń jańa paradıgmasy qalyptasyp keledi. Bizge óz elimizdiń saıası tarıhyn árlendirýdiń nemese minsiz ataýdyń qajeti joq. Kez kelgen saıası protsess– kúrdeli jol ispettes. Bizdiń elimiz táýelsizdik jyldarynan beri aıtarlyqtaı joǵary áleýmettik-ekonomıkalyq kórsetkishterge qol jetkizdi. Qazaqstan - álemdik antııadrolyq qozǵalysta avangard. Ultaralyq salada qarym-qatynasty retteıtin biregeı format qalyptastyrdy», - dedi sarapshy OKQ-da ótip jatqan «Qasym-Jomart Kemeluly Toqaev Prezıdenttigi: alǵashqy 100 kún – maqsattar, qadamdar, taktıkasy» atty dóńgelek ústel barysynda.

Erlan Saırovtyń aıtýyna qaraǵanda, qazirgi ýaqytta Qazaqstannyń táýelsizdiginiń irgetasy bekigen.

«Alaıda bizdiń elimizde problemalardyń baryn da ashyp aıtýymyz kerek. Qasym-Jomart Toqaev Memleket basshylyǵyna kelgen kezde elde áleýmettik jáne qoǵamdyq máseleler bolmady dep aıta almaımyz. Qoǵamnyń qyzýy údegen shaq edi. Adamdar áleýmettik ádilettilikti talap etkeni belgili. Memleket, azamattar men bıliktiń ózi de áleýmettik terapııaǵa múddeli boldy. Prezıdent Toqaevtyń jetekshiligi osyndaı jaǵdaıda bastaldy. Jańa senimge ıe bolyp, halyqqa úmit syılaý kerek boldy. Memleket basshysynda Prezıdent nemese sheneýnik emes, teń quqyly azamat retinde el aldyna shyǵý mindeti turdy. Adal ári ádil dıalogqa negizdelgen jańa format qalyptastyrý qajettigi týyndady. Memleket basshysy atap ótkendeı, «halyqqa qulaq asatyn memleket» qalyptastyrý qajettigi týyndady», - dedi ol.

Sarapshynyń aıtýyna qaraǵanda, qazirgi tańda Qazaqstanda bul baǵytta aıtarlyqtaı oń qadamdar jasalǵan.

«Bılik qoǵamnyń suranysy men tilekterine qulaq asty. Meniń oıymsha, qoǵamdyq sananyń turaqtalýyna kóp jaǵdaıda Qasym-Jomart Toqaevtyń óz kúsh-jigeriniń arqasynda qol jetkizildi. Azamattar ony qoljetimdi kóshbasshy retinde qabyldaıdy. Sondaı-aq, júıeniń ózi evolıýtsııalyq jolmen damýǵa qaýqarly ekenin kórsetti. Evolıýtsııa – basty paradıgmaǵa, bizdiń eldiń saıası qurylymynyń bazalyq elementine aınaldy», - dedi Erlan Saırov.

Aıta ketsek, Qasym-Jomart Toqaevtyń Memleket basshysy retinde halyq aldynda ant berip, ulyqtaý rásimine qatysqaly beri búgin 100 kún tolyp otyr. 100 kún ishinde atqarǵan jumystarynyń vıdeosholýyn myna siltemedenkórýge bolady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT