Soltústik Qytaıdyń basym bóliginde aptap ystyq ornady
2022 jylǵy 21 maýsym 20:22

Soltústik Qytaıdyń basym bóliginde aptap ystyq ornady

BEIJІŃ. QazAqparat - Soltústik Qytaıdyń basym bóliginde aptap ystyq ornady. Eldiń osy aımaqtaryndaǵy qolaısyz aýa raıyna baılanysty qyzǵylt sary deńgeıdegi tótenshe jaǵdaı jarııalandy, dep habarlaıdy QazAqparat menshikti tilshisi QHR ulttyq meteorologııalyq ortalyǵyna silteme jasap.

Beıjiń, Tıantszın jáne Hebeı, Shansı, Shensı (Soltústik Qytaı) provıntsııalarynda seısenbi kúni termometr 35 gradýstan joǵary kóterildi, al Hebeı provıntsııasynyń keıbir aýdandarynda +40 belgisinen asyp ketti.

Qytaı sınoptıkteri kútiletin aptap ystyqqa baılanysty eldiń soltústik óńirleri turǵyndaryna fızıkalyq belsendilik pen kóshede bolý ýaqytyn azaıtýdy usyndy.

Aýa raıynyń tosyn syıyn Tszıansı provıntsııasynyń turǵyndary da bastan ótkerdi, onda ótken dúısenbide nóserli jańbyrdan keıingi sý tasqyny saldarynan eń joǵary, qyzyl, qaýiptilik deńgeıi jarııalandy. Osy provıntsııanyń 485 myńǵa jýyq turǵyny apat saldarynan zardap shekti.

Qytaıda tabıǵı apattar týraly tórt deńgeıli halyqty eskertý júıesi bar, ol kók, sary, qyzǵylt sary jáne qyzyl.


Uqsas jańalyqtar

Jańalyqtar

Úrdis

MURAǴAT