+7 (701) 759 90 19
USD 414.94 EUR 504.03
RUB 5.59 CNY 64.22
Jańalyqtar

Soltústik Qazaqstannyń 10 aýdanynda KVI juqtyrýdyń jańa jaǵdaılary tirkeldi

2021 jylǵy 25 qańtar 11:24
Bólisińiz:
Soltústik Qazaqstannyń 10 aýdanynda KVI juqtyrýdyń jańa jaǵdaılary tirkeldi

PETROPAVL. QazAqparat – Soltústik Qazaqstan oblysynda koronavırýs ınfektsııasyn juqtyrǵandar sany artyp keledi, jańa jaǵdaılar Petropavlda jáne óńirdiń 10 aýdanynda tirkeldi, dep habarlaıdy QazAqparat tilshisi.

Uqsas jańalyqtar
Jańa qaýly: 27-shi aqpannan bastap Aqmola oblysynda qandaı shekteýler alynady Koronavırýspen kúres: Vaktsınanyń ekinshi partııasyn jetkizý bastaldy COVID-19: Aqmola oblysynda 34 mektep qashyqtan oqytýǵa kóshti

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, ótken táýlikte óńirde koronavırýs ınfektsııasyn juqtyrýdyń 107 jaǵdaıy tirkeldi.

Onyń tek 58-inde ǵana aýrý belgileri bolǵan. KVI-diń taralýy boıynsha Petropavl alda keledi, munda keshe 44 syrqat anyqtalǵan.

Aıyrtaý aýdanynda – 14, Taıynsha aýdanynda – 13, Qyzyljar aýdanynda – 9, Esil aýdanynda – 7, Mamlıýt aýdanynda – 6, M.Jumabaev, Jambyl, Aqjar, Aqqaıyń, Ýálıhanov aýdandarynda 1 men 5 aralyǵynda jańa jaǵdaılar tirkeldi.

SQO kópbeıindi aýrýhananyń bas dárigeri ıÝrıı Belonogtyń aıtýynsha, emdeý mekemesinde 20 oryndyq koronovırýs bólimi jumys istep jatyr.

Em alýshylardyń basym bóligi – zeınet jasyndaǵylar.

«Koronavırýs bóliminde ókpesi 90-95% zaqymdalǵan syrqattar bar. Olar bir aıdan asa em qabyldap jatyr. Densaýlyǵy álsiz, sol sebepti vırýsqa tótep bere almaı otyr. Qazir bólim tolyq», - deıdi ıÝrıı Belonog.

Mamandardyń aıtýynsha, SQO-da koronavırýs juqtyrǵandardyń basym bóligi - 60 jastan asqandar. Olarǵa barlyq syrqattardyń 28% tıesili. Ekinshi orynda 19%-pen 50-59 jastaǵylar tursa, 30-39 jastaǵylar 16 % quraıdy.

Búginde óńirde KVI juqtyrǵandardyń sany 10 214-ke jetti. Syrqattanǵandar sany kún saıyn ósip keledi.

«Adamdar saqtyq sharalaryn umytyp barady. Áleýmettik ara qashyqtyqty ustaný, medıtsınalyq maska taǵý - vırýstyń aldyn alý sharalary. 1 aqpannan bastap KVI-ge qarsy vaktsınatsııalaý bastalady. Ol ne úshin jasalady? Koronovırýs adam aǵzasyndaǵy ózge aýrýlardy qozdyrsa, vaktsına sol aýrýlardyń ýshyǵyp ketpeýi úshin qoıylady. Ókinishke oraı álemniń esh memleketi ázirge vırýsty tolyǵymen joıatyn vaktsınany oılap tapqan joq», - deıdi bas dáriger.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT