+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Soltústik Qazaqstanda úsh kúnde 33 mas júrgizýshi ustaldy

2020 jylǵy 27 qyrkúıek 01:25
Bólisińiz:
Soltústik Qazaqstanda úsh kúnde 33 mas júrgizýshi ustaldy

PETROPAVL. QazAqparat – Soltústik Qazaqstan oblysynda «Qaýipsiz jol» respýblıkalyq jedel-profılaktıkalyq is-sharasynyń úsh kúninde kólikti mas kúıde basqarǵan 33 júrgizýshi ustaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 22-24 qyrkúıek aralyǵynda respýblıka joldarynda «Qaýipsiz jol» respýblıkalyq jedel-profılaktıkalyq is-sharasy ótti.

Jambyl aýdanynyń ortalyǵy Presnovkada keshki reıd barysynda ýchaskelik polıtsııa ınspektorlary LADA Priora avtokóligin toqtatqan. Tekserý kezinde 53 jastaǵy júrgizýshiniń kólikti mas kúıde basqarǵany anyqtaldy.

Medıtsınalyq kýálandyrý qorytyndysy da onyń spırttik ishimdik ishkenin rastady. Aýyl turǵynyna qatysty ákimshilik hattama toltyrylyp, materıal sotqa jiberildi. Endi kólikti mas kúıde basqarǵan júrgizýshi 15 táýlikke ákimshilik qamaqqa alynady jáne 7 jylǵa kólik quralyn basqarý quqyǵynan aıyrylady.

SQO PD bastyǵynyń birinshi orynbasary Qanat Aıtbaevtyń aıtýynsha, «Qaýipsiz jol» is-sharasynyń basty maqsaty – jol júrisi erejelerin óreskel buzýdyń aldyn alý. Úsh kúndik jedel-profılaktıkalyq is-sharaǵa 400 polıtseı qatysty. 143 avtopatrýl jumyldyrylyp, respýblıkalyq, oblystyq jáne aýdandyq mańyzy bar avtojoldarǵa beketter qoıyldy.

Nátıjesinde oblys boıynsha Jol júrisi erejelerin buzýdyń 1 599 deregi anyqtaldy. Onyń ishinde, 33 – kólik quralyn mas kúıde basqarý, 162 – jyldamdyqty asyrý, 145 – kólikti basqarý kezinde telefonmen sóılesý, 189 – qaýipsizdik beldigin taqpaý, sondaı-aq 220 – jaıaý júrginshiler tarapynan bolǵan buzýshylyqtar.

Jyl basynan oblys joldarynda 700-ge jýyq mas júrgizýshi ustaldy. Jol júrisi qaǵıdalaryn buzýdyń 30 myńnan astam deregi tirkeldi.

Jalpy 8 aıda SQO joldarynda 110 jol-kólik oqıǵasy tirkeldi, saldarynan 17 adam qaıtys bolyp, 150-i jaraqat alǵan.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT