+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Soltústik Qazaqstanda para alǵan polıtseı úshin bastyǵy jumystan ketti

2020 jylǵy 13 tamyz 20:07
Bólisińiz:
Soltústik Qazaqstanda para alǵan polıtseı úshin bastyǵy jumystan ketti

PETROPAVL. QazAqparat – Soltústik Qazaqstan oblysynda para aldy dep kúdikke ilikken Jergilikti polıtsııa qyzmeti bólimshesiniń ýchaskelik ınspektory jumysynan shyǵaryldy, dep habarlaıdy «QazAqparat» HAA tilshisi.

SQO Polıtsııa departamenti baspasóz qyzmetiniń málimetinshe, para alǵan kúdikti Maǵjan Jumabaev aýdanynyń polıtsııa bólimi Jergilikti polıtsııa qyzmeti bólimshesinde ýchaskelik ınspektor bolyp qyzmet atqarǵan.

11 tamyz kúni polıtsııanyń aǵa leıtenantyn Petropavl turǵynynan para alyp jatqan jerinde Sybaılas jemqorlyqqa qarsy is-qımyl ulttyq bıýrosy departamentiniń qyzmetkerleri ustap, ýaqytsha ustaý ızolıatoryna qamady. Ol ákimshilik quqyq buzýshylyq týraly hattama toltyrmaǵany úshin 150 myń teńgeni qaltasyna baspaq bolypty.

SQO PD Tártiptik komıssııasynyń sheshimimen polıtsııa ınspektory teris qylyq jasaǵany úshin ishki ister organdarynan shyǵarylyp, arnaıy ataǵynan aıyryldy. Onyń tikeleı basshysy – aýdandyq polıtsııa bólimi bastyǵynyń orynbasary qyzmetinen bosatyldy. Sondaı-aq, polıtsııa bólimi men oblystyq apparattyń 11 basshysy qatań tártiptik jaýapkershilikke tartyldy.

«Karantın ýaqytynda áriptesteri mindetterin adal atqaryp júrgende, jas ofıtser óz is-áreketimen qyzmetke kir keltirdi. Kóptegen adam birneshe aı boıy jumyssyz otyr jáne bul fakti halyq arasynda teris oı qalyptastyrady. Dál osyndaı jaza qandaı ataq pen laýazym ıesi bolmasyn kez-kelgen jemqorǵa qoldanylady. Ár qyzmetkerdi buıryqpen tanystyryp, mundaı jaǵdaıdy jarııalap otyrý kerek», - dedi SQO PD bastyǵy Marat Tólebaev.

Facebook áleýmettik jelisinde Marat Tólebaevtyń jeke paraqshasy bar. Ol arqyly oblystyq polıtsııa vedomstvosynyń bastyǵy ashyq dıalogqa shyǵýǵa daıyn. Sondaı-aq, áleýmettik jelilerdegi SQO PD-nyń akkaýnttarynda vedomstvonyń Ózindik qaýipsizdik basqarmasynyń senim telefondary (61-26-89, 8-700-161-26-89 WhatsApp) kórsetilgen. Turǵyndar osy telefon nómirleri arqyly polıtsııa qyzmetkerleriniń zańǵa qaıshy is-áreketteri týraly habarlaı alady.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT