Soltústik Qazaqstanda 100 jer úı buzylady
2022 jylǵy 29 maýsym 17:19

Soltústik Qazaqstanda 100 jer úı buzylady

NUR-SULTAN. QazAqparat – Soltústik Qazaqstan oblysynda turǵyn úı qurylysyna salynǵan ınvestıtsııa kólemi 3 ese artqan. Ortalyq kommýnıkatsııalar qyzmetinde ótken brıfıngide Soltústik Qazaqstan oblysynyń ákimi Qumar Aqsaqalov osyndaı málimet berdi, dep habarlaıdy QazAqparat tilshisi.

«Bul qarqyndy azaıtpaımyz. Qazir oblys boıynsha 50 alańda turǵyn úı qurylysy júrip jatyr. Jyl sońyna deıin ol sandy 61-ge jetkizemiz. 26 bıýdjettik, 24 kommertsııalyq úı salynyp jatyr», - dedi oblys ákimi.

Sondaı-aq ol Jas Órken, Bereke, Ortalyq shaǵyn aýdandarynyń qataryn «Kopaı» jobasy tolyqtyrýy múmkin ekenin atady.

«Eski shaǵyn aýdannyń turǵyndary bul kúndi kóp kútti. 117 jer úıdi súrip tastap, onda turatyn otbasylardyń turǵyn úı jaǵdaıyn jaqsartamyz. Jalpy barlyǵy 2,8 myń páterden turatyn 27 úı salý josparlanǵan. Bul jańa mektebi, balabaqshasy men emhanasy bar jańa shaǵyn aýdan bolady. Kezekte turǵandarǵa da baspana salyp jatyrmyz. Bıyl kópbalaly otbasylar 120 páterlik úıge kiredi. Jetimderge arnap salynyp jatqan 120 páterlik úı taǵy bar»,-dedi ákim.

Oblys basshysynyń sózine qaraǵanda, 2026 jylǵa deıin óńirde 3,3 mln sharshy metr baspana beriledi. Sonyń arqasynda 144 myń azamattyń turǵyn úı jaǵdaıy jaqsarady.




Foto: www.js-wagner.fr

Uqsas jańalyqtar

Jańalyqtar

Úrdis

MURAǴAT