+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Soǵysta qaza tapqan qazaqstandyq úsh jaýyngerdiń súıegi týǵan elge ákelindi

2020 jylǵy 24 qazan 04:10
Bólisińiz:
Soǵysta qaza tapqan qazaqstandyq úsh jaýyngerdiń súıegi týǵan elge ákelindi

NUR-SULTAN. QazAqparat - Іzdeý toby jumysynyń nátıjesinde Ekinshi dúnıejúzi soǵysynda qaza tapqan úsh qazaqstandyqtyń esimi belgili boldy, dep habarlaıdy QazAqparat tilshisi.

QR Qorǵanys mınıstrliginiń málimetinshe, Ýkraınadaǵy «Vertıkal» mamandandyrylǵan birlestigi soǵys jyldarynda Ýkraına aýmaǵynda qaza tapqan qazaqstandyq jaýyngerler Qaıyrjan Tikshekeev, Seıd Toınashev pen Óksikbaı Bazarbaevtyń súıegin tapty.

Nur-Sultan qalasyndaǵy Qarýly Kúshterdiń áskerı-tarıhı murajaıynda Qaıyrjan Tikshekeevtiń súıegin týystaryna tapsyrý rásimi ótti.

Altyburyshty medalonǵa salynǵan qaǵaz tósenish jaýyngerdiń jeke basyn anyqtaýǵa múmkindik berdi. Qaıyrjan Tikshekeev 1916 jyly Soltústik Qazaqstan oblysy Aıyrtaý aýdanynda dúnıege kelgen. Sol jerden ol maıdanǵa attanyp, 1941 jyly Kıevti qorǵaý kezinde qaıtys boldy.

Barlyq áskerı rásimderdi saqtaı otyryp, máıitter jaýyngerdiń nemeresine odan ári qaıta jerleý úshin berildi.

«Ýkraın halqyna, «Vertıkal» izdeýshilerine, bizdiń elshilik pen Qorǵanys mınıstrligine pandemııaǵa qaramastan atamnyń súıekterin jetkizgeni úshin alǵysymdy bildirgim keledi. Jaqynda biz týǵan jerimizge baryp, barlyq rásimderdi saqtaı otyryp, qaıta jerleımiz. Maǵan áleýmettik jelide habarlasyp, atamnyń sońǵy ret shaıqasqa qatysqan Kıev oblysy Makarov aýdanynyń Borovka aýylynda tabylǵanyn habarlady»,-deıdi qazaqstandyq jaýyngerdiń nemeresi Marat Tikshekeev.

Eske sala keteıik, biz buǵan deıin Qaıyrjan Tikshekeevtiń súıegi 80 jylǵa jýyq ýaqyttan keıin tabylyp, týǵan elinde qaıta jerlenetinin jazǵan bolatynbyz.

Al, qaza tapqan taǵy bir jaýynger Seıd Toınashev 1922 jyly dúnıege kelgen. Jaýynger Mańǵystaý oblysynda qaıta jerlenedi.

Qazirgi ýaqytta Ýkraına tarapynan 1913 jyly týǵan gvardııa atqyshtar vzvodynyń komandıri leıtenant Óksikbaı Bazarbaevtyń súıekterin tapsyrýda kómek kórsetý jumystary júrgizilýde.

Qazaqstandyq izdeýshilerdiń izdeý-ekspedıtsııalyq jáne muraǵattyq qyzmeti sheteldik áriptestermen tyǵyz yntymaqtastyqta júrgiziledi. Ol surapyl soǵysta qaza taýyp, habarsyz ketkenderdiń esimin máńgi este saqtaýda birigýge sep bolýda.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT